Ku Kibuga cy'Umupira cya ADEC Ruhanga mu Murenge wa Gatumba mu Kagali ka Ruhanga ku bufatanye na ORORA WIHAZE hakozwe ibikorwa by'ubukangurambaga ku nsanganyamatsiko " INDYO YUZUYE IRIMO AMAGI, IFUNGURO RY'UMURYANGO WACU."

Ibyaranze ubu bukangurambaga ni ibi bikurikira:

- Urugendo rwo kwimakaza umuco w'isuku.
- Indirimbo n'imivugo ku kamaro k'inkoko n'amagi mu kurwanya imirire mibi n'igwingira.

- Kumurikira abaturage ibihembo binyuranye byahawe umurenge kubera ko wahize iyindi mu bikorwa by'isuku n'isukura

- Kugaburira abana indyo yuzuye.

- Ikinamico zakinwe n'Abakinnyi b'Urunana zirimo ubutumwa bwo kwimakaza Umuco w'isuku n'isukura, kurwanya imirire mibi n'igwingira no kubahiriza gahunda za Leta zitandukanye.

- Gutanga Seritifika ku bafatanyabikorwa b'Umurenge mu bikorwa by'isuku n'isukura.

- Koroza imiryango 15 aho buri muryango wahawe inkoko 3 n'ibiryo byazo

- Guhemba abana bahize abandi mu mivugo y'isuku n'isukura n'akamaro k'inkoko mu miryango.

Ubutumwa bwose bwatanzwe bwibanze ku kamaro k'inkoko, gahunda y'igi rimwe ku mwana ku munsi, inkoko mu muryango, kwimakaza umuco w'isuku n'isukura, umutekano, kunoza ubworozi n'ibindi.

Muri ibi gikorwa hari abakinnyi b'URUNANA DC baje bayobowe  n'Umuyobozi wabo Bwana NTAGANDA George. ORORA WIHAZE yari ihagarariwe na Bwana KWIZERA J.Bosco.

Muri ubu bukangurambaga hari Umushyitsi waturutse mu Kigo cy'Igihugu gishinzwe Imikurire no Kurengera Umwana (NCDA) Madamu UWINEZA Agnes.

Ku rwego rw'Akarere hari Veterineri w'Akarere Bwana HATANGIMANA Jean Pierre, Abayobozi mu Nzego z'Umutekano  n'abandi bafatanyabikorwa batandukanye bakora muri gahinda  z'ubworozi.

Abashyitsi bakiriwe n'Umunyamabanga Nshingwabikorwa w'Umurenge wa Gatumba Madamu MUKAMANA Soline ari kumwe na Perezida w'Inama Njyanama y'umurenge Bwana HABIMANA Faustin.