Kuri Guest House y'Akarere habereye inama ya Gahunda y'Akarere yo kurandura imirire mibi no kwivana mu bukene (District Plan to Eliminate Malnutrition  and Graduation from poverty.)

Iyi nama yayobowe n'Umuyobozi w'Akarere Wungirije Ushinzwe Iterambere ry'Imibereho Myiza y'Abaturage Madamu MUKUNDUHIRWE Benjamine ari kumwe na Perezida wa Komisiyo y'Iterambere ry'Imibereho Myiza mu Nama Njyanama y'Akarere Bwana BUDENGERI Eulade n'Umuyobozi w'Ingabo Maj Joseph RUHOGO.

Haganiriwe ku ishusho y'imirire na gahunda yo kugabanya ubukene hafatwa imyanzuro ikurikira:

- Abayobozi b' Ibigo Nderabuzima biyemeje gukomeza gupima abana bose bari munsi y' imyaka itanu.

- Gukangurira no gufasha abaturage korora inkoko no guhinga ibihumyo,

 -Gukomeza gukoresha neza inkunga zitangwa zigenewe abatishoboye,

 -Gukangurira abaturage gutera ibiti by' imbuto ziribwa no Kugira isuku

- Gukora ubuvugizi kugirango haboneke ibikoresho byo gupima amazi,  

 -Gukomeza gukora ubuvugizi bwo gufasha imiryango yagizweho ingaruka n'ibiza n'ituye mu  manegeka.

 -Gutegura indi  nama mu kwezi kwa cyenda iziga kubintu biri technique ikazahuza komisiyo y' imibereho myiza ya JADF na Njyanama, ikazitabirwa n'abafatanyabikorwa bafasha  muri gahunda yo kurwanya ubukene .

- Mbere y'uko umufatanyabikorwa agira ubufasha atanga agomba kunyura ku nzego z'ubuyobozi kugirango arizo zimuha abagenerwabikorwa n'ibyo bakeneye.

 -Mu bufasha bwose butangwa, hagomba guherwa ku bari muri gahunda yo kwikura mu bukene.

-Gusinyisha abagenerwabikorwa amasezerano yo kwikura mu bukene.

 -Gushyira imbaraga mu guhuza ingo zigomba kwikura mu bukene n'amahirwe ahari.

Iyi nama yitabiriwe n'abahagarariye abafatanyabikorwa bafatanya n'Akarere mu kurwanya imirire mibi n'igwingira aribo:

 -Ikigo cy'Igihugu gishinzwe imikurire no kurengera umwana (National  Child Development Agency)
 -Ishami ry'Umurango w'Abibumbye ryita ku buzima (World Health Organization)
 -Ishami ry'Umurango w'Abibumbye ryita ku biribwa ku isi (World Food Programme)
 - Ishami ry'Umurango w'Abibumbye ryita ku mwana (United Nations International Children's Emergency Fund)
 -WORLD VISION
 -ACOR Rwanda
- Caritas Rwanda
 - Urubyiruko rw'Abakorerabushake (Youth Volunteers)
- Inama y'Igihugu y'Urubyiruko (National Youth Council)
- Inama y'Igihugu y'Abagore (National Women Council)
 - Compassion International.

Hitabiriye kandi Abayobozi Bakuru b'Ibitaro by'Akarere bya Kabaya na Muhororo, Abayobozi b'Ibigo Nderabuzima, Abakozi bashinzwe Ubuzima Isuku n'isukura n'Abashinzwe Imibereho myiza mu Mirenge, uhagarariye Police n'umuhuzabikorwa wa DASSO mu Karere.