Uyu munsi kuwa 04/3/2024 Inama Njyanama y’Akarere ka Ngororero yatangiye icyumweru cyahariwe umujyanama. Icyumweru cyatangirijwe mu murenge wa Kabaya. Igikorwa cyayobowe n'Umuyobozi w'Inama Njyanama y'Akarere Madamu NYIRAMASENGESHO Jeannette ari kumwe n’abajyanama bose bagize inama Njyanama y’Akarere barimo abagize Komite Nyobozi y’Akarere aribo Umuyobozi w’Akarere Bwana NKUSI Christophe, Umuyobozi w’Akarere wungirije ushinzwe iterambere ry'ubukungu Bwana UWIHOREYE Patrick n’Umuyobozi w’Akarere wungirije ushinzwe imibereho myiza y'abaturage Madamu MUKUNDUHIRWE Benjamine`

Iki cyumweru kikaba gifite insanganyamatsiko igira iti: ʺDuharanire kugira uruhare mu kurinda ibyagezweho no kwesa imihigo ʺ.
Hakozwe ibikorwa bikurikira:
1.Abayobozi bifatanije n’abaturage mu muganda wo gutunganya umuhanda wangirijwe n'isuri
2.Abaturage bahawe ibiganiro bijyanye n’ibimaze kugerwamo mu iterambere n’imihigo y’Akarere
3.Hakiriwe ibibazo n'ibitekerezo by’abaturage  bihabwa ibisubizo n’umurongo
Kuwa 5-7/3/2024, abajyanama b’Inama Njyanama y’Akarere bakazakomeza gusura indi mirenge igize Akarere ka Ngororero.
Igikorwa cyitabiriwe kandi n'Umuyobozi w'Inkeragutabara mu Karere Lt Col Edouard NKURANYABAHIZI, Umuyobozi wa Police mu Karere SP Julien NKURIKIYINKA, NISS DISO Bwana BAGWENEZA Bernabe, DCIO RIB JOHN HAPPY, Ushinzwe Abinjira n'Abasohoka Bwana NTABANA Cyrille, District DASSO Coordinator DUSABEMARIYA Vestine, abayobozi n'abaturage b'Umurenge wa Kabaya.