Kuri uyu wa kabiri tariki ya 27/02/2024 Umuyobozi w'Akarere Bwana Nkusi Christophe yayoboye inama nyunguranabitekerezo ku myiteguro yo kwibuka ku nshuro ya 30 Jenoside yakorewe Abatutsi mu 1994.

Ibyaganiriweho:

-Kwibukiranya uko kwibuka ku nshuro ya 29 Jenoside yakorewe Abatutsi byagenze;
-Imyiteguro yo kwibuka ku nshuro ya 30;
-Ibigomba gukorwa muri iyi minsi yo kwitegura;
-Isuku ku nzibutso;
-Umutekano w'inzibutso;
-Aho imanza za gacaca zigeze (humvikanywe ko bitarenze 15/03 imanza zose zigomba kuba zasuzumwe aho bishoboka zikarangizwa );

-Amahugurwa ku butabazi bw'ibanze mu gihe cyo kwibuka.;
- Kwibuka Jenoside yakorewe Abatutsi mu bigo by'amashuli;
- Kuzirikana ibitaragenze neza bigakosorwa;
- Gushyiraho itsinda ryihariye rihuriweho n'inzego zitandukanye rikurikiranira hafi imyiteguro yo Kwibuka ku nshuro ya 30 Jenoside yakorewe Abatutsi;
-Gushishikariza abikorera, amakoperative, ibigo by'amashuli,.... gusura inzibutso no kumenya amateka ya Jenoside yakorewe Abatutsi mu 1994;
- Mu Nteko z'abaturage: gukangurira abaturage kuzitabira ibikorwa byo kwibuka ku nshuro ya 30 Jenoside yakorewe Abatutsi no kurwanya ingengabitekerezo ya Jenoside;
-Gutanga ibiganiro ku ma Radio bitegurira abaturage ibikorwa byo kwibuka;
- Kwifashisha ikoranabuhanga mu gusigasira amateka ya Jenoside yakorewe Abatutsi mu Karere ka Ngororero.

Inama yitabiriwe na Komite Nyobozi y'Akarere, abayobozi b'inzego z'umutekano zikorera mu Karere, Perezida wa Ibuka mu Karere, abanyamabanga nshingwabikorwa b'imirenge, komite ya Ibuka ku rwego rw'Akarere, abayobozi b'Ibitaro bya Kabaya na Muhororo,. Perezida wa Avega, Perezida wa RIC n'abandi bafatanyabikorwa