Umuyobozi wAkarere wungirije ushinzwe imibereho myiza y'abaturage Madame Mukunduhirwe Benjamine ayoboye inama mpuzabikorwa kuri gahunda mbonezamikurire y'abana bato hibandwa ku Ngo mbonezamikurire zishamikiye kuri VUP (Expended Public Works). 

Atangiza inama VM Mukunduhirwe yagarutse ku kamaro gakomeye amarerero afitiye imiryango n'igihugu muri rusange asaba ko mu Karere ka Ngororero
abana bakomeza gukura haba mu gihagararo haba mu mbamutima.
Yasabye abashinzwe amarerero kwita ku bana bifashisha imfashanyigisho ziboneka hafi batagombye kurarikira iziva mu nganda bityo abana bagahora baguka mu bwonko nta mbogamizi.
Yashimiye abafatanyabikorwa barimo Imbuto Foundation batuma umwana akura azura imirire mibi n'igwingira ari nako agenda yunguka ubumenyi.

Muri Iyi nama intumwa y'mufatanyabikorwa Imbuto Foundation yavuze  ko Imbuto Foundation yishimiye uburyo amarerero ashamikiye kuri VUP akora neza, abakozi bagahemberwa igihe.
Yatangaje ko hari amasezerano mashya n'Akarere yo gukomeza ibikorwa mu gihe cy'imyaka 3 mu mirenge yose uko ari 13.
Mu Karere ka Ngororero
harabarurwa amarerero 17 muri buri murenge yose hamwe akaba 221. Akorerwamo n'abita ku bana ( Care Givers)
1547; yigamo abana 4025.
Mu byifuzo byatanzwe harimo ko abana bafite ubumuga bakwitabwaho by'umwihariko abarezi babo nabo bagahabwa ubumenyi bubafasha kwita kuri aba bana.

Inama yitabiriwe n'abakozi bo mu mashami y'Imibereho myiza, uburezi n'ubuzima; abanyamabanga nshingwabikorwa b'imirenge, abagenzuzi b'uburezi mu mirenge, abakurikirana imikorere y'amarerero n'abayakoramo mu mirenge, abashinzwe ubuzima n'imibereho myiza mu mirenge