Kuwa 22/06/2023 ku biro by'Akarere ka Ngororero hakozwe Inama ya  Komisiyo idasanzwe y'Inama Njyanama y'Akarere igamije gucukumbura ibibazo bigaragara mu buhinzi.
Iyi nama yayobowe na Perezida w'iyi Komisiyo isadanzwe umujyanama SEBAZUNGU Modeste yitabirwa n'Umuyobozi w'Akarere Bwana NKUSI Christophe nk'umwe mu bagize iyi Komisiyo n'abandi bajyanama bashyizwe muri iyi Komisiyo. Yanitabiriwe kandi n'abanyamabanga nshingwabikorwa b'imirenge, abakozi bashinzwe ubuhinzi mu mirenge, abafatanyabikorwa batandukanye mu buhinzi na bamwe mu bakozi b'Akarere bafite aho bahuriye n'ibyaganiriwe mu nama.

Ibyaganiriweho:
-Ishusho rusange y'ubuhinzi mu Karere ka Ngororero
-Kongerera agaciro umusaruro w'ubuhinzi n'irindi shoramari ryafasha mu buhinzi.
-Ibyuho biri mu bikorwa by'ubuhinzi n'impamvu zibitera
-Ingamba zo gukemura mu buryo burambye ibibazo bigaragara mu buhinzi.

Iyi komisiyo ije ikurikira indi nkayo yateranye kuwa 05/06/2023 yari igamije gucukumbura ibibazo bigaragara mu buhinzi ikaza gusura abahinzi  ikanaganira n'abayobozi mu mirenge ya Ngororero na Sovu.

Iki gikorwa cyayobowe na Perezida w'iyi Komisiyo idasanzwe umujyanama SEBAZUNGU Modeste  n'abandi bajyanama bashyizwe muri iyi Komisiyo kinitabirwa na bamwe mu bakozi b'Akarere.

Mu biganiro bagiranye, nyuma yo gusezengura imbogamizi zaagaragajwe, hafashwe ingamba zikurikira:

-Gushaka uburyo bajya batubura imbuto
- Gushaka uburyo bajya bikora ifumbire y'imborera
-Gusimburanya ibihingwa mu mirima
- Kwirinda ibyatuma haza uburwayi mu bihingwa kandi bwaza bukarwanywa hakiri kare
-Gushaka isoko ryagutse ry'ibyo bahinga
-Gushaka ubwishingizi bw'ibihingwa bashingiye ku ngano y'ibyo basanzwe beza kuri hegitari
-Gusubizaho uburyo bwo guhuza ubutaka hakoreshejwe za sites
-Gushaka uburyo bongera ibihingwa bishobora kwera mu murenge (imbuto ijyanye n'ubutaka) kandi bifite isoko ryagutse.

Abayobozi basabwe kujya bategura abaturage hakiri kare mbere y'uko igihembwe cy'ihinga gitangira.