Umuyobozi w'Akarere wungirije ushinzwe imibereho myiza y'abaturage Madamu MUKUNDUHIRWE Benjamine yayoboye inama ya Taskforce ishinzwe gukurikirana ikemurwa ry'ibibazo bibangamiye imibereho myiza y'abaturage  mu Karere. 
Inama yari igamije:
- gusuzuma raporo Akarere kamaze gutera mu mihigo yo gukemura ibibazo bibangamiye imibereho myiza y'abaturage kugeza ku ya 18 Ugushyingo 2025;
- kungurana ibitekerezo ku byavuye mu ngendo zakozwe ku rwego rw'umurenge na Taskforce y'Akarere ya HSIs ku ya 13 Ugushyingo 2025.
Ingingo z'ingenzi zaganiriweho:
* intambwe imaze guterwa ku bipimo by'imihigo yerekeye HSIs kuva muri Nyakanga kugeza hagati y'Ugushyingo 2025;
* Ibyagezweho n'ibyuho bisigaye byagaragaye mu nzego zitandukanye;
* ibyaturutse mu ngendo zakozwe n’Akarere kuri HSIs ku ya 13 Ugushyingo 2025 byagaragaje imbaraga n’icyuho mu mirenge yasuwe. Inzitizi nyamukuru zirimo inyandiko zituzuye, gutinda gushyira mu bikorwa ibikorwa bimwe na bimwe bya HSI, no gukorana kw'abakozi babishinzwe.
Ibyifuzo by'inama:
* gukurikirana no kugenzura byimbitse ikemurwa rya HSIs mu mirenge; 
* Guhwitura imirenge yagaragaje imikorere idahwitse binyuze mu gutoza no guhuza ibikorwa;
* kunoza no kwihutisha raporo zitangwa buri kwezi  mu mirenge n'utugari;
* Kwibutsa inshingano ku bayobozi n'abakozi bananiwe gushyira mu bikorwa gahunda ya HSI;
- gutegura umuganda udasanzwe  kugirango urangize imihigo idasaba ingengo yimari,
- Amazu yose yabonewe amabati, inzugi n'amadirishya agomba kuba yarangiye bitarenze Ukuboza 2025.