Ku bufatanye bwa Minisiteri y'Abakozi n'Umurimo n'Akarere ka Ngororero habaye Inama nyunguranabitekerezo ku guteza imbere ihangwa ry'umurimo unoze nk'imwe mu nkingi zihutusha iterambere ry'ubukungu mu Karere ka Ngororero.
Inama yafunguwe ku mugararo n'umuyobozi w'Akarere wungirije ushinzwe iterambere ry'ubukungu Bwana Uwihoreye Patrick.
Vm Uwihoreye: "mu Karere kacu, ibarura rusange riheruka ryabaye 2022 ryerekanye dufite abaturage 367,955; ubushakashatsi ku bakora n’abadakora  wo muri uwo mwaka bwerekana ko igipimo cy’abakora kiri kuri 56.5%. Mu gihe igipimo cy’ubushomeri kiri kuri 17.6%. Akarere kacu kandi kakaba gafite indi mbogamizi y’uko 41.33% by’urubyiruko rutari mu ishuri, ntirube mu kazi cyangwa se mu mahugurwa azabafasha kubona akazi. Imibare yo mu mwaka wa 2022  igaragaza ko igipimo cy’ubushomeri cyiri hejuru mu byiciro bikurikira: Urubyiruko: 25.6% kivuye kuri 21.3% muri 2017. Abagore : 23.7%  kivuye kuri 19.2% muri 2017.
 Uko duteraniye hano muri iyi nama, usanga imbaraga zose tuzifite ngo tugire icyo dukora kuri iki kibazo. Bityo rero nagira ngo nsabe buri wese mu rwego rwe tuze gutekereza ku musanzu wacu kandi hari ibishoboka: Ihuriro ry’abafatanyabikorwa mu iterambere ry’Akarere kacu ryashyira mu igenamigambi ryaryo imishinga igamije kurwanya ubushomeri cyane mu rubyiruko.
Abikorera bafatanya n’amashuri gutanga umwanya wo kwimenyereza umurimo,..."

Nyuma yo kungurana ibitekerezo abari mu nama basanze hagomba kujyaho urubuga ruhuriweho n'abatanga akazi n'abagashaka, ari ngombwa gukora umurimo unoze ku buryo bwubhiriza amategeko, hagomba kubaho ibiganiro ku murimo mu nzego zose z'ubuyobozi, hagomb ubufatanye hagati ya za Kaminuza, amashuli y'imyuga n'ubumenyingiro  n'urugagaa rw'abikorera kugirango abanyeshuli barangijje babone umurimo, ibigo bigomba ubahirizaa ambwiriza ajyanye n'umurimo unoze abatayubahirijje bakabiryozwa.

Inama yatumiwemo abagize Komite Nyobozi y'Akarere, abayobozi b'inzego z'umutekano zikorera mu Karere, Komisiyo y'ubukungu y'Inama Njyanama y'Akarere, abayobozi b'inganda, n'ibigo by'imali, Komite Nyobozi na Komisiyo y'ubukungu za  JADF, abanyamabanga nshingwabikorwa b'imirenge, abacungamutungo n'ibigo by'imali, Komite Nyobozi ya PSF mu Karere, abashinzwe iterambere ry'ishoramari n'umurimo mu mirenge, umuyobozi wa BDF mu Karere, abayobozi b'ibigo by'amashuli y'imyuga n'ubumenyingiro, abayobozi b'amashami ya BDE n'imiyoborere myiza, abayobozi b'amakoperative, abayobozi b'ibigo by'ubucukuzi bw'amabuye y'agaciro, Komite y'Inama y'Igihugu y'Urubyiruko n'iy"inama y'Igihugu y'Abagore, abahuzabikorwa n'Inama y'Igihugu y'Urubyiruko mu mirenge, abayobozi b'amadini n'amatorero.