Hakozwe umuganda rusange ngarukakwezi usoza uk'Ukwakira waranzwe no gutera ibiti bivangwa n'imyaka.
Ku rwego rw'Akarere wabereye mu murenge wa Muhororo mu Kagari ka Sanza mu mudugudu wa Kansi ahatewe ibiti 3000 ku buso bungana na hegitari 12.
Uyu muganda wahuriranye no kwizihiza ku nshuro ya 48  umunsi mpuzamahanga wo gutera amashyamba ku nsanganyamatsiko igira iti: "Amashyamba yitaweho isi nzima."

Umuganda witabiriwe n'umuyobozi w'Akarere Bwana NKUSI Christophe ari kumwe n'intumwa za MINALOC zihagarariye urubyiruko rw'abakorerabushake, umuyobozi w'Ingabo mu turere twa Ngororero na Rutsiro, umuyobozi wungirije wa RIB, abakozi n'abaturage b'umurenge wa Muhororo.
VM ED Bwana Uwihoreye Patrick yakoreye umuganda mu murenge wa Kabaya,
VM Asoc Madame Mukunduhirwe Benjamine yifatanije n'abaturage b'umurenge wa Ngororero.
Nyuma y'umuganda abaturage baganirijwe kuri gahunda za Leta zirimo umutekano, isuku n'isukura, kwishyura ubwisungane mu kwivuza uburezi, kurwanya imirire mibi, gufata ubutaka neza, gahunda ya GIRA WIGIRE, kwimakaza Ubumwe n'Ubudaheranwa bw'Abanyarwanda.

Nyuma y'ibiganiro habaye amatora yo kuzuza inzego zirimo Komite Nyobozi y'Umudugudu, Komite Nyobozi y'Inama y'Igihugu y'Abagore n'iy'Urubyiruko, gutora Umujyanama rusange uhagarariye umudugudu mu kagari (aho batari), gutora biro y'Inama Njyanama y'Umudugudu