Abasenateri bo muri Komisiyo y'Iterambere ry'Ubukungu n'Imali riyobowe na Hon. Nkusi Juvenal bagiriye uruzinduko rw'akazi  mu Karere ka Ngororero. Bazinduwe no kureba
ibikorwa mu kongera amashyamba, kuyacunga no kuyabyaza umusaruro.
Basuye ishyamvba rya Rutegamasunzu riherereye mu murenge wa Kageyo banasura ku Umukore wa Rwabugiri aho uyu mwami yakiriye wa mudage Von Goetzen basobanurirwa amateka y'aho.

Mu ishyamba rya Rutegamasunzu mu murenge wa Kageyo

Mu buhumbikiro bw' ibiti mu murenge wa Muhororo
Bakomeje basura agakiriro ka Ngororero bareba imikoreshereze y'ibikomoka ku biti basobanurirwa n'imikorere yako. Abagakoreramo bagiriwe inama yo kugafata neza mu rwego rwo gusigasira ibyagezweho kuko kagenda kangirika.
Bagiriwe inama yo kubahiriza amategeko agenga amakoperative kugirango umusaruro  ugirire akamaro abanyamuryango bose.
Banasuye ubuhumbikiro bw'ingemwe z'ibiti by'amoko atandukanye  y'ibiti birimo n'iby'imbuto ziribwa  mu murenge wa Ngororero bashimira uburyo Akarere kitaye ku kongera ubuso buteyeho amashyamba.

Ashimira abasenateri Mayor Nkusi yagize ati: "inama mwatugiriye ku  kubungabunga amashyamba n'ibiyakomokaho tuzazishyira mu bikorwa  hagamijwe impinduka nziza mu Karere kacu."
Bashoje uruzinduko rwabo basura Ngororero Mining Company (NMC) bishimira uburyo Akarere ka Ngororero gakize ku mabuye y'agaciro n'uburyo ubucukuzi bwitwararika ku kurengera ibidukikije haterwa ibiti ahatagicukurwa amabuye y'agaciro.

 Bari baherekejwe n'umuyobozi w'Akarere Bwana Nkusi Christophe ari kumwe n'abayobozi b'inzego z'umutekano, umuyobozi mukuru w'ikigo cy'amashyamba Bwana Habumuremyi Concorde n' umukozi w'Akarere ufite amashyamba mu nshingano Bwana Kayitsinga Jean.

URUZINDUKO RW'ABASENATERI MU MAFOTO

Nyuma yo kureba ibikorwa mu kongera amashyamba, kuyacunga no kuyabyaza umusaruro.abasenateri basuye bimwe mu bikorwaremezo biri mu Karere ka\ ngorrero birimo agakiriro na Ngororero Mining Company (NMC)