Itsinda ry'Abasenateri rigizwe na Honorable MURESHYANKWANO Marie Rose na Honorable MUGISHA Alexis bagiriye uruzinduko rw'akazi mu Karere ka Ngororero.

Ibyaranze uru ruzinduko:

 -Gusura umudugugu w'icyitegererezo wa Kanyenyeri mu Murenge wa Ngororero harebwa isuku, uko inyubako zifashwe, uko Ubworozi bumeze, imikorere ya ECD, ubuzima bw'abana muri Model Village, imibanire y'imiryango yatujwe muri Model Village, uburyo bwo kwizigamira rw'abatuye uyu mudugudu. Nyuma yo  gusuzuma ibi byose haganirijwe imiryango ituye muri Model Village bashishikarizwa gukomeza gufata neza ibyo bahawe no kubibyaza umusaruro biteza no gukomeza kunoza isuku, kwirinda amakimbirane no kurangwa n'indangagaciro zibereye Umunyarwanda.

-Gusura umudugudu wa Muzi wo mu Kagali ka Bambiro mu Murenge wa Nyange nk'Umudugudu wahanzwe n'abaturage. Uyu mudugudu wasuwe harebwa uko inyubako zimeze hanasurwa Irerero ryigiramo abana batuye muri uyu mudugudu. Abatuye uyu mudugudu batanze ibyifuzo byo gukomeza kugezwaho ibikorwaremezo.

Abaturage basuwe batumye Abasenateri kubashimira Nyakubahwa Perezida wa Repubulika Paul KAGAME uburyo yita ku banyarwanda ashyira umuturage kw'isonga.

Bakiriwe n'Umuyobozi w'Akarere Bwana NKUSI Christophe ari kumwe n'Umuyobozi w'Akarere Wungirije Ushinzwe Iterambere ry'Imibereho Myiza y'Abaturage Madamu MUKUNDUHIRWE Benjamine, umuyobozi w'Inkeragutabara Lt. Col Donath BIKAGA n'umuhuzabikorwa wa DASSO mu Karere DCO Damascene SAKINDI.