Umuyobozi w'Akarere Wungirije Ushinzwe Iterambere ry' Ubukungu Bwana UWIHOREYE Patrick ari kumwe n'itsinda rigari basuye igororero rya Nyakiliba mu Karere ka Rubavu.

 Hari mu rwego rwo kuganira n'abagororwa kuri gahunda y'Ubumwe n'ubudaheranwa bw'Abanyarwanda Igihugu kimakaje ndetse no kubagaragariza aho Akarere kageze mu Iterambere. Yabasabye ko mu gihe bazaba bafunguwe bazakomeza gufatanya n'abandi mu kubaka Igihugu bimakaza Ubumwe n'Ubudaheranwa nk'isoko dusangiye. 

Ibyaranze uruzinduko : 

1. Ikiganiro ku nsanganyamatsiko y'uku kwezi kwahariwe kuzirikana Ubumwe n'Ubudaheranwa bw' Abanyarwanda igira iti: "Indangagaciro na Kirazira isoko y'Ubumwe n'Ubudaheranwa bw'Abanyarwanda" cyatanzwe na Padiri NTIRANDEKURA Gilbert. 
2. Gushyikiriza Ubuyobozi bw'Igororero imfashanyo yakusanijwe n'Akarere ku bufatanye n'abafatanyabikorwa igizwe na:

 Inkweto za Bodaboda 270
Ibiringiti 120
Imifuka 4 y'imyenda y'abagabo
Amasabune 2315
Amavuta yo kwisiga ( amacupa 288)
Bibiliya n'ibindi bitabo by'iyobokamana 125
Impapuro z'isuku 

Imfashanyo ifite agaciro kangana na 3,134,500 FRW

3.  Kuganira no kwakira ibibazo by' abagororwa baturutse mu Ngororero. Byakozwe mu matsinda hakurikijwe Imirenge abagororwa baturutsemo. 

Itsinda ryasuye ryari rigizwe na Perezida wa Komisiyo y'Imiyoborere Myiza mu Nama Njyanama y'Akarere Bwana Shyerezo Norbert,
Abanyamabanga Nshingwabikorwa b'Imirenge,
Umuhuzabikorwa wa MAJ,
Umuyobozi w'Ishami ry'imiyoborere myiza,
Umuyobozi wa RIC Padiri NTIRANDEKURA Gilbert, Perezida wa JADF ISANGANO Padiri RUTAKISHA J Paul , Visi Perezida wa IBUKA mu Karere,
Perezida wa AVEGA mu Karere, Umuhuzabikorwa w' Inama y' Igihugu y'Urubyiruko, 
Uhagarariye Umuhuzabikorwa w' Inama y'Igihugu y'Abagore mu Karere, Umuhuzabikorwa wa DASSO Wungirije, Umushumba  wa ADEPR Gatumba,
Umuhuzabikorwa w' itorero ry'Igihugu mu Karere  n'itsinda ry'abafatanyabikorwa rigizwe n'Umuhuzabikorwa wa SEVOTA Dr Godelieve MUKASARASI, Visi Perezida wa CROIX ROUGE ku rwego rw'Igihugu, bahagarariye PHARP na Caritas.
Iri tsinda ryakiriwe n'Ubuyobozi bw'Igororero rya Nyakiriba bwashimiye Ubuyobozi bw'Akarere bwateguye iki gikorwa.