Umuyobozi w'Akarere Bwana Nkusi Christophe yakiriye itsinda rigari ry'Ikigega cya Pro- Poor Basket Development Funds.
Akarere ka Ngororero ni kamwe mu Turere 16 duterwa inkunga n'iki kigega.
Ni muri urwo rwego havuguruwe ndetse hanagurwa ibigo nderabuzima bya Nyange (mu Murenge Nyange) na Ntobwe (mu Murenge  wa Ndaro).

Mu kigo nderabuzima cya Nyange hubatswe inzu y'ababyeyi (maternity) na laboratwari bijyanye n'igihe.

Ikigo nderabuzima cya Ntobwe cyabonye inyubako zijyanye n'igihe zirimo maternite laboratory, ibyumba by'abarwayi n'abarwaza,....

Musabyimana Jean Pierre umukozi wa BRAC, uyu ukaba umwe mu mishinga ishyira mu bikorwa gahunda z'Ikigega Pro-Poor Basket Development Funds arashima imikoranire n'Akarere ka Ngororero n'aho umushinga ugeze mu kubonera ibisubizo bimwe mu bibazo byugarije abagenerwabikorwa harimo ibijyanye n'imihindagurikire y'ikirere. Ku rwego rw'Akarere, umurenge n'akagari hatowe hanahugurwa komite zikurikurana imihindagurikire y'ikirere zikanatanga inama mu baturage mu buryo bwo kwirinda ibiza.

Mayor Nkusi yashimiye aba bafatanyabikorwa baba hafi abagenerwabikorwa mu guhangana n'imihindagurikire y'ikirere cyane ko Akarere ka Ngororero gakunze kwibasirwa n'ibiza.
Baganiriye n'abagenerwabikorwa b'umure ge wa Kageyo bagize Sector Adaptation Committees na Cell Adaptation Committees ku ruhare rw'izi Komite mu gutegura abaturage b'ingeri zose guhangana n’imihindagurikire y’ikirere.
Nyuma habayeho gusura ikigo nderabuzima cya Ntobwe mu murenge wa Ndaro kirimo kuvugururwa no kwagurwa ku nkunga ya Pro-Poor Basket Development Funds.
Abagenerwabikorwa batanga ubuhamya ku mpinduka zabaye mu mitangire ya serivisi zerekeye ubuzima nyuma y'aho Pro-Poor Basket Development Funds ivuguruye ikanagura ibigo nderabuzima bya Nyange na Ntobwe.

Uwineza Clementine ni imwe mu babyeyi bivuriza mu kigo nderabuzima cya Nyange B
Avuga ko mbere ababyeyi babyarariraga ahantu hafunganye, bamwe bakararana ku gitanda kimwe, abandi bakarara hasi, isuku ikaba nkeya kandi ntibitabweho uko bikwiye kubera abaforomo bake.
Ati ariko ubu inzu y'ababyeyi yarubatswe, hari ibwisanzure. Ikigo nderabuzima cya Nyange kandi cyabonye laboratories ifite ibikoresho bijyanye n'igihe.
Mu kigo nderabuzima cya Ntobwe naho abakigana bishimiye uburyo cyavuguruwe kikanagurwa.
Naho ngo bakoreraga mu mfundanwa z'inyubako zishaje kandi zubakishije amatafari y'inkarakara.
Ubu bafite inzu nini y'ababyeyi, ibyumba by'abarwayi n'abarwaza kimwe na laboratwari.
Barifuza ko hazanwa serivisi zivura amaso n'amenyo bityo ntibazongere gukora ingendo bajya ku bitaro bya Muhororo.
Bose bashimira ubuyobozi bwiza bw'Igihugu cyacu burangajwe imbere na Nyakubahwa Perezida wa Repubulika Paul Kagame buhora buzirikana iterambere ry'imibereho myiza y'abaturage  mu ngeri zutandukanye.