Mu Karere ka Ngororero hakomeje ibikorwa byo Kwibuka ku Nshuro ya 30 Jenoside yakorewe Abatutsi mu 1994.

Uyu munsi by'umwihariko hibutswe abana n'abagore bazize Jenoside yakorewe Abatutsi mu 1994.

Insanganyamatsiko yo Kwibuka ku Nshuro ya 30 Jenoside yakorewe Abatutsi mu 1994 igira iti:*"KWIBUKA TWIYUBAKA"*.

Iki gikorwa cyabereye ku Rwibutso rwa Jenoside yakorewe Abatutsi mu 1994 rwa Ngororero ruherereye mu Mudugudu wa Kabagari mu Kagali ka Rususa mu Murenge wa Ngororero aho Umushyitsi Mukuru yari Umuyobozi w'Akarere Bwana NKUSI Christophe ari kumwe na Visi Perezida w'Inama Njyanama y'Akarere Bwana SEBAZUNGU Modeste, Umunyamabanga w'Inama y'Igihugu y'Abagore ku rwego rw'Intara y'Uburengerazuba Madamu MUKASEKURU Godeleive, Umuhuzabikorwa w'Inama y'Igihugu y'Abagore mu Karere Madamu MUKESHIMANA Marie Claire, Perezida wa IBUKA mu Karere Bwana NTAGISANIMANA J Claude, Perezida wa AVEGA mu Karere Madamu KANGABE Appolinarie, Perezida wa RIC mu Karere Abbe NTIRANDEKURA Gilbert, Umuyobozi w'Ingabo Capt Jean Baptiste SIMUGOMWA, Umuyobozi wa Police mu Karere SP Julien NKURIKIYINKA, DCI RIB UWAMAHORO Joselyne, Umuhuzabikorwa wa DASSO Wungirije Ushinzwe Ibikorwa by'Umutekano n'Amakuru Télesphore MUNYANEZA, Ubuyobozi bw'Umurenge wa Ngororero, Abahuzabikorwa ba CNF mu Mirenge n'ibindi byiciro bitandukanye by'abayobozi.

Iki gikorwa cyaranzwe n'ibi bikurikira:

- Gufata Umunota wo Kwibuka,

- Isengesho ryayobowe na Perezida wa RIC mu Karere Abbe NTIRANDEKURA Gilbert;

- Gusura Urwibutso rwa Jenoside yakorewe Abatutsi mu 1994 rwa Ngororero no Gushyira indabo ahashyinguye mu cyubahiro imibiri y'Abazize Jenoside yakorewe Abatutsi mu 1994;

- Ijambo ry'ikaze ryavuzwe n'Umuhuzabikorwa w'Inama y'Igihugu y'Abagore mu Karere Madamu MUKESHIMANA Marie Claire;

- Ikiganiro kijyanye no Kwibuka ku Nshuro ya 30 Jenoside yakorewe Abatutsi mu 1994 cyatanzwe na Bwana RUGIRANGOGA Raymond;

- Indirimbo zijyanye no Kwibuka zaririmbwe n'Umuhanzi NSENGIMANA Justin;

- Ubuhamya bw'Uwarokotse Jenoside yakorewe Abatutsi mu 1994 bwatanzwe na Madamu MUJAWIMANA Germaine;

- Ubutumwa bwa Perezida wa IBUKA mu Karere;

-  Ubutumwa bw'Umuyobozi bw'Akarere;

- Kuremera imiryango 6 y'Abarokotse Jenoside yakorewe Abatutsi mu 1994 aho buri muryango wahawe ibyo kurya.

Igikorwa cyagenze neza.

*TWIBUKE TWIYUBAKA*