Uyu munsi mu bitaro bya Kabaya biherereye mu Murenge wa Kabaya habereye igikorwa cyo kwibuka ku nshuro ya 29 abari abakozi b'Ibitaro bya Kabaya n'abo mu bigo nderabuzima bibishamikiyeho, abarwayi n'abarwaza  bazize Jenoside yakorewe Abatutsi mu 1994.

Ibyaranze iki gikorwa:

- Gushyira indabo ku Rwibutso rwa Jenoside yakorewe Abatutsi mu 1994 rwa Kabaya

- Ubuhamya

- Ikiganiro ku mateka ya Jenoside yakorewe Abatutsi mu 1994

- Kuremera uwarokotse Jenoside yakorewe Abatutsi mu 1994. Uyu waremewe yahawe inka.

- Impanuro z'Abayobozi bitabiriye iki gikorwa.

Uyu munsi kandi mu Karere ka Ngororero habaye igikorwa cyo Kwibuka ku Nshuro ya 29 Urubyiruko rwazize Jenoside yakorewe Abatutsi mu 1994. Iki gikorwa cyayobowe n'Umuyobozi w'Akarere Bwana NKUSI Christophe ari kumwe n'Umuyobozi w'Akarere Wungirije Ushinzwe Iterambere ry'Imibereho Myiza y'Abaturage Madamu MUKUNDUHIRWE Benjamine, Perezida wa IBUKA mu Karere Bwana NTAGISANIMANA Jean Claude n'Umuyobozi wa Police mu Karere CIP Julien NKURIKIYINKA.

Abashyitsi baturutse ku Rwego rw'Igihugu ni Umuyobozi Mukuru muri Minisiteri y'Urubyiruko TETERO Solange ari kumwe n'Abakozi baturutse muri MINUBUMWE no muri Imbuto Foundation.

Iki gikorwa kitabiriwe n'Urubyiruko ruhagarariye abandi mu mirenge kibera  mu murenge wa Ngororero hakorwa ibi bikurikira:

- Gusura Urwibutso rwa Jenoside yakorewe Abatutsi mu 1994 rwa Ngororero, -Gusobanurirwa amateka ya Jenoside yakorewe Abatutsi mu 1994 no gushyira indabo ku Rwibutso.

- Ikiganiro ku mateka y'u Rwanda no ku iterambere ry'Urubyiruko nyuma ya Jenoside yakorewe Abatutsi mu 1994.

- Impanuro z'Abayobozi bitabiriye iki gikorwa.