Kuri uyu wa 29/08/2023 mu murenge wa Gatumba, akagari ka Rusumo
habereye ubukangurambaga bwo
 KURWANYA IBIYOBYABWENGE MU RUBYIRUKO NO MU MURYANGO NYARWANDA, GUKEMURA AMAKIMBIRANE NO KOMORA IBIKOMERE BY'IHUNGABANA. Ni muri Gahunda  ya TWUBAKE UMURYANGO UTEKANYE KANDI USHOBOYE. Ubukangurambaga kandi bwanajyaniranye no gukangurira abaturage kubungabunga ubuzima bwo mu mutwe no kurwanya ihungabana
bukaba bwaratewe  inkunga n'umufatanyabikorwa Compassion International  na PHARP ( Umuryango yarwanda ugamije amahoro,Isanamitima , Ubwiyunge n’ubudaheranwa)

Hatanzwe ubutumwa bwanyuze  mu ndirimbo z'amakorari, ubuhamya , Ijambo ry’imana, imikino n’ibiganiro.
Ijambo ry'Imana ryibanze ku nteruro  "UBUZE KIMWE"  iri  muri Zaburi 27,4 ryigishijwe n'umuvugabutumwa NSHIZIRUNGU Emmanuel. Yibanze ku kuva mu byaha no kureka ibiyobyabwenge, kurwanya amakimbirane mu miryango, Ndi Umunyarwanda n’isuku n’isukura.
Madame Souvenir Alphonsine umukozi wa PHARP we yatanze ikiganiro ku isanamitima n’ihungabana yibanda ku gukira ibikomere by'umutima n'ibibitera, kumenya kubyatura no kubyambura agaciro.

Hatanzwe ubuhamya bw'umwe mu bakize ndetse bakanareka ibiyobyabwenge  Bwana NIWEMUTO Bonavavanture wo mu murenge wa Gatumba mu kagari ka Karambo.

Ikiganiro cyatanzwe n’Umuyobozi wa Police mu Akarere ka Ngororero SP Julien NKURIKIYINKA kibanze ku kurwanya  ibiyobyabwenge n'amakimbirane mu miryango.

Umushyitsi mukuru V/M Mayor ASOC Madame Mukunduhirwe Benjamine yatanze ikiganiro agaruka ku kubaka umuryango ushoboye kandi utekanye, kurwanya ibiyobyabwenge n'amakimbirane mu muryango, kurwanya ubuzererezi,...
Yagarutse kuri Gahunda za Leta harimo kwirinda ibiza, kurwanya isuri, gukunda umurimo no kuwunoza , ubwisungane mu kwivuza 2023/2024, kwitegura itangira ry’amashuli, gahunda ya Gira Wigire yo kwivana mu bukene,...
Yasoje ashimira uburyo ubukangurambaga bwateguwe.

Muri iki giterane hari abaturage bagera kuri 50 bihannye, hanakusanijwe inknga yo kwishyurira MUSA abatishoboye ingana na 34,420 Frw

Abandi bitabiriye ubu bukangurambaga ni :
-Umukozi wa Compassion Internationale mu karere ka Ngororero na Nyabihu Bwana NATAMBA Joseph
-Umuhuzabikorwa  wa PHARP MUKANSANGA Julienne
-Umuvugabutumwa waturutse  mu akarere ka Nyabihu Pasteur NSHIZIRUNGU Emmanuel
-Umutahira w'Intore mu Karere Madame MUKANTABANA Odette
-Abayobozi b’Amadini n’Amatorero bakorera mu Umurenge wa Gatumba
Bakiriwe n'Umunyamabanga Nshingwabikorwa w'umurenge Madame MUKAMANA Soline ari kumwe  Cmdt wa Police Station Gatumba AIP Leonidas IDUFASHE, DASSO Coordinator NZAYISENGA Jean Damascene,abakozi  b'umurenge n'utugari n’imbaga y’abaturage b'Umurenge  wa Gatumba.