Ku ruganda rw'Icyayi rwa Rubaya ruherereye mu Mudugudu wa Rubaya Akagali ka Mashya mu Murenge wa Muhanda habereye igikorwa cyo Kwibuka ku Nshuro ya 30 Jenoside yakorewe Abatutsi mu 1994 hibukwa by'umwihariko abari Abakozi bw'Uruganda rw'Icyayi rwa Rubaya.

Insanganyamatsiko yo Kwibuka ku Nshuro ya 30 Jenoside yakorewe Abatutsi mu 1994 igira iti: "KWIBUKA TWIYUBAKA"


Igikorwa cyo kwibuka cyaranzwe n'ibi bikurikira:

- Umunota wo Kwibuka
-Isengesho;
-Ijambo ry'ikaze ryatanzwe na DG w'Uruganda rw'Icyayi rwa Rubaya Bwana MUKIZA Emille;
- Gusoma amazina y'abari abakozi bw'Uruganda rw'Icyayi rwa Rubaya bazize Jenoside yakorewe Abatutsi mu 1994;
-Gushyira indabo kuri Monument y'abari abakozi b'Uruganda bazize Jenoside yakorewe Abatutsi mu 1994;
-Indirimbo zijyanye no Kwibuka zaririmbwe n'Umuhanzi JABO Jean Marie;
-Ikiganiro kijyanye no Kwibuka ku nshuro ya 30 Jenoside yakorewe Abatutsi mu 1994 cyatanzwe na NSHUTI Emmanuel;
-Ubuhamya bw'Uwarokotse Jenoside yakorewe Abatutsi mu 1994 bwatanzwe na MUKANDORI Béatrice;
-Ubutumwa bwa Perezida wa IBUKA mu Karere Bwana NTAGISANIMANA J.Claude;
-Ubutumwa bw'Umuyobozi w'Akarere Wungirije Ushinzwe Iterambere ry'Imibereho Myiza y'Abaturage ari nawe wari mushyitsi mukuru;
-Kuremera imiryango 2 y'Abarokotse Jenoside yakorewe Abatutsi mu 1994 aho buri muryango wahawe inka.

Iki gikorwa cyitabiriwe n'Umuyobozi w'Akarere Wungirije Ushinzwe Iterambere ry'Imibereho Myiza y'Abaturage Madamu MUKUNDUHIRWE Benjamine ari kumwe na  Perezida  wa IBUKA mu Karere Bwana NTAGISANIMANA J.Claude, Perezida wa RIC mu Karere Abbe NTIRANDEKURA Gilbert, Abayobozi b'Inzego z'Umutekano zikorera mu
Karere harimo  Umuyobozi w'Inkeragutabara mu Karere Lt Col Edouard NKURANYABAHIZI, Umuyobozi wa Police mu Karere SP Julien NKURIKIYINKA, Umuyobozi wa RIB mu Karere Madamu Joseline UWAMAHORO, Umuhuzabikorwa wa DASSO mu karere   DUSABEMARIYA Vestine, Abayobozi b'Uruganda rwa Rubaya na Nyabihu, Abanyamabanga Nshingwabikorwa b'Imirenge ya Muhanda na Kabaya, Ubuyobozi bwa IBUKA mu Murenge wa Muhanda, inzego z'umutekano zikorera mu murenge wa Muhanda n'abaturage b'umurenge wa Muhanda.