Byaganiriweho  mu nama yatumijwe n'Umushinga wo kwigisha imyuga urubyiruko rufite ubumuga(16-35ans) "Work and Respect Project.

Ni umushinga uzashyirwa mu bikorwa na NUDOR. Uzakorera mu mirenge ya Ngororero, Hindiro na Muhororo. Inama yaganiriye ku bimaze kugerwaho harimo gutoranya urubyiruko rufite ubumuga ruziga imyuga, guhitamo ibigo na TVET bizabigisha, banagaragaje ko bagiye guhugura abarezi bazabigisha kugira ngo bamenye uburyo bwo kwita ku bantu bafite ubumuga.

NUDOR izakorana na TVET kugira ngo bakurikirane uburyo imyigire izagenda neza mbere y'uko bahabwa certificate. Inama yayobowe  n'Umuhobozi w'Akarere Bwana NDAYAMBAJE Godefroid ari kumwe n' Intumwa za NUDOR zari ziyobowe n'Umuyobozi wa NUDOR Bwana Bizimana Dominique. .

Umuyobozi w'Akarere yashimye NUDOR ku bikorwa bitandukanye ikomeje gukorera mu Karere harimo n'uyu mushinga wo kwigisha imyuga urubyiruko 80 rufite ubumuga. Umuyobozi w'Akarere yabijeje ko Akarere kazakomeza kwita ku bantu bafite ubumuga haba mu mihigo no mu bindi bikorwa. Hasinywe n'amasezerano y'ubufatanye hagati y'Akarere ka Ngororero na NUDOR.

Inama yitabiriwe n'abandi bakozi ba NUDOR barimo Madamu TURYASHEMERERWA Jacqueline (Project Manager of Work and Respect), yitabiriwe kandi na Advisor wa Komite Nyobozi, Umuyobozi w'Ishami ry'imibereho myiza n'uwa BDE, umukozi ushinzwe abantu bafite ubumuga, umukozi ushinzwe JADF, umuhuzabikorwa wungirije wa NCPD mu Karere, NUDOR Platform ku rwego rw'Akarere.