Umuganda rusange usoza ukwezi kwa Gicurasi wabereye mu murenge yose igize Akarere ka Ngororero. 
Ku rwego rw'Akarere wabereye mu murenge wa Gatumba ahatunganijwe umuhanda Gatumba-Muhororo Hospital Hasibuwe imiyoboro y'amazi hakurwamo inkangu, hasibwe kandi ibinogo byari biri hagati muri uwo muhanda hatemwa n'ibihuru biri ku mikingo.
Uyu muganda  witabiriwe n'abayobozi batandukanye, umushyitsi mukuru yari Minisitiri w'Umutekano mu Gihugu Hon.Minister Dr Vicent BIRUTA wari kumwe na Hon. Depute Pie Nizeyimana uyoboye itsinda ry'abadepite bari mu ruzinduko rw'akazi  mu Karere ka Ngororero 
Bakoranye umuganda n'umuyobozi w'Akarere  Bwana NKUSI Christophe wari kumwe n'abayobozi b'inzego z'umutekano zikorera mu Karere, abayobozi n'abaturage b'umurenge wa Gatumba. 
Nyuma y'umuganda abaturage bagejejweho ubutumwa butandukanye bukurikira:
- kwimakaza isuku 
- kwishyura ubwisungane mu kwivuza 
- Kwirinda indwara ya Ebola, kumenya ibimenyetso byayo n'ingamba z'ingenzi zo kuyirinda.
- cyumweru cy'ibidukikije mu Rwanda aha abaturage bamenyeshejwe ko u Rwanda ruzifatanya n'isi yose kwizihiza Umunsi Mpuzamahanga w'ibidukikije uzaba kuwa 05 Kamena 2026
- Gufata neza umutungo kamere w'amazi.
Umushyitsi mukuru yashishikarije abaturage gukomeza kubungabunga ibikorwaremezo no kutarebera ababyangiza,  yashishikarije abaturage kugira isuku hose hirindwa indwara z'ibyorezo zikomoka ku mwanda cyane cyane bakaraba intoki kenshi kandi bikaba umuco; kwirinda inzoga zitujuje ubuziranenge, ubusinzi, amakimbirane yo mu miryango. 
  Umuganda wagenze neza