Umuyobozi w'Akarere Bwana Nkusi Christophe yayoboye inama ya Komite y'Akarere ishinzwe imicungire y'ibiza / Distrct Disaster Management Committee (DIDIMAC).
Inama irimo kureba aho imirimo yo kubakira abasenyewe n'ibiza, icyiciro cya 4, igeze mu mirenge yose. 
Muri rusange imirimo iragenda neza ariko haracyaboneka imbogamizi zijyanye na:
- imikingo ishobora kwangiza amazu ikaba ikeneye gutangizwa inkuta z'amabuye (retaining walls), 
- kuyobora amazi ava ku bisenge by'amazu ntabe yakwangiriza ibikorwa by'abaturage,
- kohereza amazi yose ava ku bisenge mu bigega byabugenewe, - ibikorwa bito bito bijyanye no kurangiza neza imirimo (travaux de finissage), 
- gushyira amashanyarazi mu mazu.
Imirenge ikigaragaramo izi mbogamizi yasabwe kuzivana mu nzira.
Inama yifuje ko hazakorwa ubukangurambaga mu bubakiwe amazu bwo kuyafata neza, bakirinda kuyakoresha ibyo atagenewe nko kuyororeramo amatungo. Bakamenya gukora ubusitani (greening and beatification) n'uturima tw'igikoni.

Aya mazu yubatswe binyuze mu Mushinga wa CERC (Contingency Emergency Response Component) ushyirwa mu bikorwa ku bufatanye na MINEMA. Mu Karere ka Ngororero hubatswe amazu 255, aherereye mu Mirenge ikurikira:
- Bwira: 22
- Gatumba:18
- Hindiro: 5
- kabaya: 15
- kageyo: 33
- kavumu:17
- Matyazo:21
- Muhanda: 61
- Muhororo:19
- Ndaro: 5
- Ngororero:29
- Sovu: 10