Uruzinduko rw' Intumwa za rubanda mu Karere ka Ngororero muri gahunda yo guteza imbere ibikorwa by'ubuhinzi n'ubworozi hagamijwe gukangurira abahinzi n'aborozi kubikora kinyanwuga hakabaho kwihaza mu .biribwa  no gusagurira amasoko rurakomeje.
Kuri uyu wa 29/05/2026, Honorable Umutesi Liliane yasuye Umurenge wa Matyazo yakirwa n'umuyobozi w'Akarere ka Ngororero , Bwana Nkusi Christophe . Nyuma kugaragarizwa ibyagezweho mu buhinzi hasuwe:
A) Uruganda rwa Kawa rwa Koperative KOMACO n'umuhinzi wa Kawa
B) Koperative  "Abadahigwa  Gitwa" y'abahinzi b'ibigori n'ibishyimbo
C) Isambu y'urutoki ruvuguruye rwa TTC. Muramba.
Nyuma yo gusura ibi bikorwa Honorable Umutesi Liliane yagiranye ikiganiro n'abaturage ku Biro by'Umurenge wa Matyazo aho yabakanguriye:
- Ubuhinzi
1. Guhuza ubutaka kuko byongera umusaruro  bakazamukira hamwe.
2.Kwiga kwikorera ifumbire y'imborera 
3.Gukoresha inyogeramusaruro neza mu buhinzi
4. Urubyiruko kwitabira ibikorwa by'ubuhinzi
B. Isuku n'isukura
Yashimiye abitabiriye inama kuba bafite isuku asaba ko:
-Isuku yabaranga hose n'aho batuye
-abaturage bakwirinda indwara ya Ebola yandurira mu matembabuzi bityo  abantu bagakomera ku muco wo gukaraba
C. Kwirinda amakimbirane
Yasabye abaturage kwirinda amakimbirane mu ngeri zose mu ngo zabo no mu baturanyi.
Yabasabye kwirinda kugana inkiko igihe hari ibibazo kuko hari gahunda nziza yo gukemura amakimbirane 
D. Ubumwe n'ubudaheranwa
Gukorera hamwe, ubufatanye buzatuma iterambere rirambye rigerwaho.
Nyuma yo gutanga ikiganiro hatanzwe umwanya w'ibazo birasubizwa ibindi bihabwa umurongo wo kubikemuramo.