Nyakubahwa Minisitiri w'Intebe Dr Justin Nsengiyumva   yaje kwiftanya n'abatuye Akarere Ngororero mu gikorwa cyo kwibuka ku nshuro ya 32 Jenoside yakorewe Abatutsi mu 1994. Igikorwa cyabereye ku rwibutso rwa Jenoside yakorewe Abatutsi mu 1994 rwa Ngororero.
Yakiriwe na Minisitiri w'Ubutegetsi bw'Igihugu Hon Habimana Dominique, uw'Umutekano mu gihugu Hon Visenti Biruta bamwe mu bagize Inteko Ishinga Amategeko, Intumwa ya MINUBUMWE, Guverineri w'Intara y'Iburengerazuba, Umuyobozi w'Inama Njyanama y'Akarere n'abandi bajyanama, Komite Nyobozi y'Akarere,  abayobozi b'Inzego z'Umutekano, Perezida wa Ibuka mu Karere, uwa AVEGA,  abayobozi batandukanye n'imbaga y'abaturage bitabiriye iki gikorwa. Bahawe ikaze n'Umuyobozi w'Akarere @cnkusi20. 
Igikorwa cyabanjirijwe no kunamira inzirakarengane 14,500 baruhukiye muri uru rwibutso.
Amateka yaranze Jenoside yakorewe Abatutsi mu 1994 mu Karere ka Ngororero yatanzwe na Hon. Manirarora Annoncée. 
Mu karere ka Ngororero harabarurwa inzirakarengane barenga 57,000 bishwe bazira uko baremwe. Abitabiriye iki gikorwa bakurikiye ubuhamya bwatanzwe n'uwarokotse Jenoside yakorewe Abatutsi, 
Nyakubahwa Minisitiri w'Intebe wari umushyitsi mukuru mu ijambo yagejeje ku ombaga y'abitabiriye kwibuka ku nshuro ya 32Jenoside yakorewe Abatutsi mu 1994,
yagarutse ku ijambo rutwitsi  uwari umunyapolitiki Leon Mugesera yavugiye ku kabaya ahamagarira abahutu kwica abatutsi ngo "bakabanyuza inzira y'ubusamo (umugezi wa Nyabarongo) basubira iwabo muri Abisiniya."
Yanagarutse ku bwicanyi ndengakamete bwabererye I Nyange aho Padiri Seromba yategeyse gusenyera Kiliziya ku batutsi bari bayihingiyemo. 
Aha yashimye ubutwari bw'abanyeshuli b'i Nyange banze kwitandukanya bakurikije amoko y'icyo gihe babisabwe n'abicanyi bari bateye iryo shuli  bakabatsembera bagira bati twese turi abanyarwanda." Yagize ari Jenoside ntizongera ukundi kuko "twubatse 
Igihugu cyuje amahoro, ubumwe n'ubudaheranwa cyashyize umuturage ku isonga."
Aha yavuze ko "tutagomba kwirara kuko hari abakibiba ingengabitekerezo ya Jenoside bagambiriye guca abanyarwanda mo  ibice."  Yihanganishije abarokotse Jenoside yakorewe Abatutsi agira ati "ubuyobozi bwiza bw'Igihugu cyacu buzakomeza kubaba hafi nk'uko butahwemye kubikora."