Kimwe no hirya no hino mu gihugu umunsi mukuru mpuzamahanga w'Abafite Ubumuga wizihizwe mu mirenge yose y'Akarere ka NGORORERO. Ku rwego rw'Akarere ibirori byabereye mu murenge wa Matyazo. Insanganyamatsiko iragira iti: "Duhange udushya tugamije iterambere ridaheza"  Watangijwe no gutaha  ibikorwa byorohereza abafite ubumuga mu kigo nderabuzima cya Muramba byakozwe n’Urugaga rw’imiryango y’abafite ubumuga mu kurwanya virus itera Sida no guteza imbere ubuzima (UPHLS) biturutse ku nkunga CDC inyuza muri Ministeri y’ubuzima. Byatwaye angana na  22,000,000 frws.

Hakurikiyeho imurikabikorwa ryateguwe n'abafite ubumuga, imikino, imivugo n' indirimbo byabo. ibikorwa byamuritswe birimo ibyavuye mu buboshyi bw'imipira, ubudozi bw'imyambaro, gusudira, ubuhinzi n'ubukorikori butandukanye.Imikino, imbyino, imivugo n'indirimbo byabo byarimo ubuhanga buhanitse.
Umunsi washojwe no  kuremera abafite ubumuga inyunganirangingo n'insimburangingo amagare, n'amatungo .
Bashimiye ubuyobozi bwiza bw'Igihugu cyacu buharanira iterambere ridaheza hahangwa udushya. Abafite ubumuga bishimiye umunsi mukuru wabo bagira bati: "Abafite ubumuga turashoboye dufite uburenganzira nk'ubw'abandi ntitugomba gusigara inyuma."

Umuyobozi w'Inama y'Igihugu y'abafite ubumuga mu Karerre ka Ngororero Bwana Iyakaremye Emmamuel yavuze ku mikorere m'imikoranire y'abafite ubumuga, uburyo baharanira kwiteza imbere n'ingorane bahura nazo

Umbare w’abafite ubumuga mu karere ka Ngororero

• Hari abafite ubumuuga: 8325

• Abagabo: 4789
• Abagore: 3536

IBIKORWA BITEZA IMBERE ABAFITE UBUMUGA

• Abafite ubumuga babona inkunga zibafasha mu iterambere binyuze mu zindi gahunda, nka VUP, kwigishwa imyuga itandukanye
• Abafite ubumuga boroherezwa no kubona insimburangingo n’inyunganirangingo
• Gushyishikariza abafite ubumuga kwiteza imbere binyuze mu matsinda yo kubitsa no kugurizanya n’ahandi

IBIKORWA BY’ABAFITE UBUMUGA mu karere ka Ngororero:

• Buri mwaka Akarere ka Ngororero gatera inkunga Koperative 4 z’abafite ubumuga,1,000,000frws kuri buri Koperative
• Abafite ubumuga babona izindi nkunga zibafata mu iterambere binyuze mu zindi gahunda
• Abafite ubumuga bahabwa inkunga y’ingoboka iyo bagaragara mu cyiciro cya 1 cyangwa 2 cy’abafite ubumuga
• Gutegura no kwizihiza umunsi mpuzampahanga w’abantu bafite ubumuga

• IMBOGAMIZI KU BAFITE UBUMUGA
• Kubura amashuri yakira abana bafite ubumuga bwo kutumva ntibavuge n’abafite ubumuga bwo kutabona. Aho aboneka bishyura menshi kandi nta bushobozi kuko nta shuri riri hafi bakwigamo.
• Abarimu batahuguriwe kwita ku bafite ubumuga, bityo bamwe ntibabashe kwiga nk’abandi
• Kutamenya imvugo z’amarenga, inyandiko ya ‘‘braille’’ n’ubundi buryo bufasha abafite ubumuga mu itumanaho, igihe bishoboka, bigomba gukoreshwa mu nama, mu makuru no mu bindi biganiro mbwirwaruhame.
• Inkunga igenewe Ibigo byita ku bana bafite ubumuga iracya nkeya
• Abafite ubumuga biga imyuga ntibahabwa icyemezo (certificat) cyemewe na RP (Rwanda Polytechnical). Abenshi baba batarabashije kwiga bityo mu kwiga imyuga za TVET ntizibakire bakigira kuri Work Place. Kimwe n’abigira mu bigo byita ku bana bafite ubumuga
• Kubona nkunganire ya Leta ntibishoboka iyo nta Certicat ya TVET
• Ibigo bitandukanye bitanga serivisi usanga bitorohereza abafite ubumuga mu kubona serivisi( inyubako zitorohereza abafite ubumuga, ibitanda byo kwa muganga, intebe zo kwicaraho ku ishuri, ibibaho biba biri hejuru cyane, Aho binjirira, Imbuga yIkigo, Ubukarabiro, Ahatangirwa serivisi, Aho bakirira abantu : ameza, intebe, aho babisikanira, Ubwiherero n’ubukarabiro,Parikingi, Ibimenyetso biranga ahantu, Inzira z’abantu bafite ubumuga(Ramp ifite Ubuhaname, iranyerera,ntaho bafata,...), Ibitanda,Intebe zicarwaho, Abashinzwe kwakira abantu batazi amarenga n’ibindi)
• Imikino y’abafite ubumuga idahabwa ingengo y’imali ihagije kandi uturere tudafite ingengo y’imali yashyirwa muri iyo mikino
• Ubuvuzi bw’abafite ubumuga burahenda bityo imiryango itishoboye bikayigora. Aha usanga umwana akurana ubumuga kandi bushobora gukosorwa cga bukagabanuka
• Ingengo y’imali igenerwa ibikorwa by’abafite ubumuga iracyari nkeya kandi abenshi basaba kubitaho by’umwihariko,  Umuyobozi w'Akarere wungirije ushinzwe imibereho myiza y'abaturage madame Mukunduhirwe Benjamine wari umushyitsi mukuru muri ibi birori yashimiye  abafite ubumuga uburyo bategye umunsi mukuru wabo bakerekana ko bashoboye koko kandi kobatanga umuganda ukomeye mu kubaka u Rwanda. yanashimiye ubuyobozi bwiza bw'ighugu cyacu budahwema guharanira imibereho myiza y'abanyarwanda bwita by'umwihariko ku byiciro byihariye birimo icy'abafite ubumuga.  yijeje ko ibibazo byagaragajwe bizabonerwa ibisubizo ku bufatanye bw'Akarere n'abafatanyabikorwa.

•  Umunsi mukuru witabiriwe kandi n'umuyobozi w'Inama y'Igihugu y'abafite ubumuga mu Karere, abafatanyabikorwa, inzego z'umutekano zikorera mu Karere, n'abaturage b'umurenge wa Matyazo.

•