Umuganda rusange ngarukakwezi usoza ukwezi kwa Werurwe wabereye mu mirenge yose igize Akarere ka Ngororero.
Ku rwego rw'Akarere wabereye mu murenge wa Gatumba Gatumbal.
Igikorwa cyitabiwe n'itsinda ry'Abadepite bari muri Komisiyo y'Ubumwe n'Uburenganzira bwa muntu bayobowe na
Hon.UWIRINGIYIMANA Philibert.
Bakiriwe n'Umuyobozi w'Akarere  NKUSI Christophe ari kumwe n' Umuyobozi w’Akarere wungirije ushinzwe iterambere ry’ubukungu Bwana UWIHOREYE Patrick, Umunyamabanga w'Inama Njyanama y’Akarere Madame AYINKAMIYE Marie Louise, abayobozi b'inzego z'umutekano zikorera mu Karere,  abafatanyabikorwa barimo  umushinga CJC ushinzwe kubungabunga ibidukikije, abayobozi n'abaturage b'umurenge wa Gatumba.

Ibyaranze umuganda:
▪️Gukora Isuku ku rwibutso rwa Jenoside yakorewe Abatutsi mu 1994 bishwe bakajugunywa mu mugezi wa Nyabarongo;
▪️Gutera ibiti no kurwanya isuri ku musozi wa Cyome ahatewe ingemwe 6000 za gereveliya na alnus;
▪️Gutunganya umuhanda wa Gatumba-Nyange hakurwamo inkangu no gusibura imiyoboro y'amazi;
▪️Gupima indwara z'izitandura.

Nyuma y'umuganda abaturage bahawe ubutumwa bukubiye mu biganiro bikurikira:
1.Kwitabira umurimo no kwizigamira muri Ejo Heza;
2.Gushyira abana mu ishuri no gukumira drop out;
3.Kurwanya imirire mibi n'igwingira ry'abana;
4.Icyumweru cy'ubukangurambaga bwo gukorana nez n'ibigo by'imari;
5.Gahunda yo gufata neza abageze mu zabukuru;
6.Kwirinda amakimbirane yo mu miryango:
7.Kurwanya ibiyobyabwenge n''inzoga zitujuje ubuziranenge;
8.Kubungabunga ibidukikije harwanywa isuri mu rwego rwo guhangana n'imihindagurikire y'ikirere;
9.Gukumira ibyaha birimo ubujura, gufata ababikora no gutangira amakuru ku gihe.
Abashyitsi bashimiye abaturage uburyo bitabiye igikorwa cy'umuganda, babaganiriza kuri gahunda za Leta zitandukanye harimo:
▪️ Kwitegura no kuzitabira gahunda yo kwibuka ku nshuro ya 32 Jenoside yakorewe Abatutsi mu 1994 izatangira kuwa 07/04/2026;
▪️Kubahiriza inshingano z'abagize umuryango  hirindwa amakimbirane yo mu ngo n'ihohotera iryo ari ryo ryose nk'irishingiye ku gitsina haharanirwa kugira umuryango ushoboye kandi utekanye.