Uyu munsi kuwa 31/01/2020 Police y'igihugu mu karere ka Ngororero umrenge wa kabaya yakoze   ubukangurambaga bwo Kurwanya impanuka mu muhanda " GERAYO AMAHORO " bwahawe abayisilamu basengera ku uusigiti wa Kabaya bagera kuri 251

 Basobanuriwe ko iyo umuntu agenda mu muhanda akoresha uruhande rw'ibumoso, ko bagomba kujya bambukira ahabugenewe ( Zebra Crossing )kandi bakabanza gushishoza , basabwe gukangurira abana kwirinda gukinira mu muhanda no kurira imodoka zigenda (Gupanda imodoka), bibukijwe ko iyo umuntu ari kumwe n'umwana ku muhanda agomba kugenda amufashe akaboko, basabwe kwirinda kuvugira kuri Telephone wambuka umuhanda.

Umuyobozi wa police DPC Mayinga atanga ibiganiro kuri "Gerayo amahoro"

Bakanguriwe kutemerera abamotari kubatwara kuri moto barenze 1 (Kwirinda ko babatendeka)Kandi buri gihe   bakajya kuri moto bambaye ingofero zabugenewe (casque ), kwirinda kuvugira kuri Telephone batwaye ibinyabiziga, kwirinda gutwara ikinyabiziga banyoye ibisindisha, kwirinda kurenza umuvuduko wagenwe  mu gihe batwaye ikinyabiziga.

Abatwara Ibinyabiziga bakanguriwe kubaha uburenganzi bw 'abanyamaguru.Bakanguriwe kwirinda gutwara imodoka abana bagenda bayihagazemo cyangwa basohoye imitwe hanze

Ibiganiro byatanzwe na  SP A MAYINGA DPC Ngororero. Yakiriwe na TUYISENGE Djibril Imam w'Akarere ka Ngororero.