Kuri uyu wa 21/05/2022 mu Karere ka Ngororero hibutswe Padiri Augustin NKEZABERA wazize Jenoside yakorewe Abatutsi mu 1994.

Uyu yari Padiri Mukuru wa Paruwasi Gatolika ya Muramba iherereye mu Karere ka Ngororero mu Murenge wa Hindiro mu Kagali ka Gatega.

Umushyitsi Mukuru yari UWASE Patricie Umunyamabanga wa Leta muri Minisiteri y'Ibikorwaremezo waje Uhagarariye Unity Club-Intwararumuri ari nayo yatoranyije Padiri Augustin NKEZABERA nk'Umwe mu Barinzi b'Igihango ku rwego rw'Igihugu.

Kiliziya Gatolika muri uyu muhango yari ihagarariwe na Mgr NSENGUMUREMYI Jean Marie Vianney Igisonga cy'Umwepisikopi wa Diyosezi ya Nyundo.

Abashyitsi bakiriwe na NKUSI Christophe Umuyobozi w'Akarere ari kumwe n'Abayobozi b'Akarere bungirije bombi, Abanyamabanga Nshingwabikorwa b'Imirenge ya Hindiro na Matyazo, Perezida wa IBUKA mu Karere ka Ngororero, Abayobozi mu Nzego z'Umutekano zikorera mu Karere ka Ngororero, abo mu muryango wa Padiri Augustin NKEZABERA, Abapadiri n'abandi bihayimana.

Nyuma y'igitambo cya Misa hatanzwe ubuhamya ku butwari bwaranze padiri Nkazabere ubwo yarwanaga ku batutsi bari bamuhungiyeho kuri paroisse ya Muaramba kugeza ubwo nawe yishwe urw'agashinyaguro abicanyi bakamujugunya mu gihuru cy'amahwa.
Nyuma habayeho gusura no gushyira indabo ku mva ishyinguyemo Padiri Augustin NKEZABERA no kumva impanuro z'abayobozi bitabiriye uyu muhango.