Kuri uyu wa 25/03/2026 habaye inama y’Gahunda y’Akarere yo Kurwanya Imirire mibi no Guteza imbere Imikurire y’Umwana (DPEM-CD). Iyi nama yayobowe na Bwana Christophe NKUSI, Umuyobozi w’Akarere ka Ngororero.
Intego y’inama yari ugusuzuma aho Akarere kageze kagabanya igwingira, hifashishijwe ibyavuye mu bushakashatsi bwa RDHS, no gufata imyanzuro ku bikorwa byihutirwa bigomba gushyirwa imbere kugira ngo hazagerwe ku ntego yo kugabanya igwingira kugera kuri 15% mu mwaka wa 2029.
Ingingo z’ingenzi zaganiriweho:
Aho Akarere kageze kagabanya igwingira hashingiwe ku byavuye mu bushakashatsi bwa RDHS 2025,
Ibikorwa by’ingenzi byakozwe n’Akarere n’abafatanyabikorwa mu myaka 3 ishize,
Ibyuho n’imbogamizi bigaragara mu gukumira igwingira.
Inama yatanze ibyifuzo by’ingenzi bigamije gushimangira ingamba zo kurushaho kugabanya igwingira mu Karere.
Inama yitabiriwe na:
Umuyobozi w’Akarere wungirije ushinzwe imibereho myiza,
Inzego z’umutekano: Ingabo, Reserve Force, Polisi, RIB, NISS n’Umuhuzabikorwa wa DASSO,
Abayobozi Bakuru b’Ibitaro (Kabaya na Muhororo),
Abayobozi b’Amavuriro y’Ibanze (Health Centers),
Abashinzwe imirire mu Bitaro bya Kabaya na Muhororo,
Abagenzuzi ba CHWs ku rwego rw’Akarere, Abanyamabanga Nshingwabikorwa b’Imirenge,
Abayobozi b’amashami ku Karere (Ubuzima, Uburezi, Imibereho myiza, Ubuhinzi, ubworozi n’umutungo kamere),
Umuhuzabikorwa w’Inama y’Igihugu y’Abagore (NWC),
Umuhuzabikorwa w’Inama y’Igihugu y’Urubyiruko (NYC),
Umuhuzabikorwa w’Inama y’Abafite Ubumuga,
Abafatanyabikorwa mu bijyanye n’imirire: World Vision na AEE Rwanda,
Imiryango itegamiye kuri Leta ikurikirana gahunda za ECD,
Ushinzwe itumanaho ku rwego rw’Akarere,
Abagenzuzi ba ECD ku rwego rw’Imirenge.