Ngororero: Umushinga CACCE wasuzumye aho ugeze mu bikorwa

Umuyobozi w’Akarere Wungirije ushinzwe Iterambere ry’Ubukungu, UWIHOREYE Patrick, yayoboye inama igamije gusuzuma intambwe imaze guterwa mu ishyirwa mu bikorwa ry’Umushinga ugamije gufasha abaturage guhangana n’imihindagurikire y’ikirere (CACCE), kureba ibyagezweho n’imbogamizi zagaragaye, ndetse no kumvikana ku myanzuro n’inama zizagenderwaho mu gihe gisigaye cy’ishyirwa mu bikorwa ry’umushinga.

Atangiza iyi nama Visi Meya Uwihoreye yashimiye abitabiriye   iki gikorwa. Yashimiye by'umwihariko  muryango wa World Vision kubera inkunga utanga ku Mushinga CACCE no kubera ubufatanye ukomeje kugirana n’Akarere ka Ngororero binyuze mu yindi mishinga y’iterambere. Yashishikarije abitabiriye bose kugira uruhare rugaragara muri iki gikorwa cy’isuzuma kugira ngo imyanzuro izafatwa izafashe kugera ku ishyirwa mu bikorwa ryiza ry’umushinga.

Iki gikorwa cyitabiriwe Umunyamabanga Nshingwabikorwa w'Akarere,  Umuyobozi w'imirimo rusange (DM),  abayobozi b'amashami  (Ubuhinzi, Ubworozi n'Umutungo kamere; Igenamigambi, ikurikirana n'isuzuma);itsinda rishinzwe gucunga umushinga; ndetse n’uhagarariye World Vision, ari kumwe n’itsinda ayoboye.