Skip to main content Skip to page footer
Urubuga rwemewe rwa Leta y’u Rwanda
Coat of arms of RwandaAkarere ka Ngororero

Menya Ngororero

Akarere ka Ngororero

Akarere kagizwe n'imisozi miremire yungikanya n'ibibaya. Ubutumburuke bw'aho ni hagati ya metero 1,460 na metero 2,883, umusozi usumba iyindi ni uwa Bweru uri mu Murenge wa Muhanda ufite ubutumburuke bwa metero 2,883.4. Impuzandego y'ubutumburuke ni metero 1,500. Impinga ndende cyane uzisanga mu ishyamba rya Gishwati nka Mugano (2,842.1 m), Butimba (2,833.5 m), n'ahandi nka Kagano (2,450 m), Nyaburama (2,427 m), Ntaganzwa (2,257 m), Rushari (2,059 m), Gatwebano (2,023 m), Mushyiga (1,930 m) na Ruhunga (1,978 m).

Ibihe by'imvura n'izuba ni bine. Impuzandengo y'ubuhehere ku mwaka ni degree 18°C, Ariko buhinduka hakurikijwe ubutumburuke bw'imisozi. Uko ibyo bihe bikurikirana: Umuhindo kuva mu Kwakira kugera m'Ukuboza. Ni igihe cy'imvura iringaniye, igihe abahinzi batera imbuto zinyuranye. Urugaryi kuva mri Mutarama kugeza Gashyantare.  Ni igihe k'izuba riringaniye. Itumba kuva muri Werurwe kugeza Kamena. Ni igihe k'imvura nyinshi, hari n'indi imyaka iterwa. Hari n'Icyi igihe cy'izuba ryinshi gitangira kuva muri Nyakanga kugeza muri Nzeri. Ni  igihe cy'isarura ry'imyaka no guhinga ibishanga.

Akarere ka Ngororero ni akarere k'amazi menshi kuko kari mu kibaya kigari cy'uruzi rwa Nili. Kubera n'imisozi miremire myishi mu bibaya byayo hari  imigezi inyuranye. Umugezi w'ingenzi ni Nyabarongo n'iyindi nka Rubagabaga, Mukungwa, Satinsyi, Muhembe, Kibirira, Rukubi, Kintiti, Nyampiri, Mugunda, Giciye, Rucanzogera,, Nyantanga na Gasumo.

Telephone:
3045

Email:
info@ngororero.gov.rw

Ikarita y'Akarere ka Ngororero

Igishushanyo mbonera cy' Akarere ka Ngororero

13

Imirenge

73

Utugali

416

Imidugudu

679

Ubuso (Km2)

367,955

Abaturage

551

Ubucucike (Km2)

Intara karimo : INTARA Y'IBURENGERAZUBA

Akarere kagizwe n’Imirenge 13, utugari 73 n’imidudgudu 419

Imirenge  : Ngororero , Gatumba , Hindiro , Nyange  , Bwira  , Ndaro, Kageyo, Matyazo, Muhanda, Kabaya, Muhororo, Kavumu, Sovu

 

Ubuso :679 Km2

 Umubare wabaturage (2022): 367,955

Ubucucike bw'abaturage (2022): 551/Km2

Ibyo abantu bazi cyane ku karere : Ahantu nyaburanga ()Umukore wa Rwabugiri, Pariki ya Gishwati-Mukura, inzuri za Gishwati, imisozi, imigezi, ….

Akarere ka Ngororero  ni kamwe mu turere turindwi tugize intara y’iburengerazuba, kakaba gahana imbibi n’Akarere ka Rutsiro mu burengerazuba, Akarere ka Nyabihu mu majyaruguru, Akarere ka Gakenke mu Majyaruguru ashyira Iburasirazuba, Akarere ka Karongi mu Majyepfo n'Akarere ka Muhanga mu Burasirazuba. Icyicaro cyako kiri ku muhanda wa Muhanga-Ngororero-Mukamira kuri km 46,6 uva i Muhanga no kuri km 60 uva Mukamira.