Ngororero: Muri Wisdom School batanze impamyabumenyi

Muri Wisdom School Ngororero iherereye mu Murenge wa Ngororero, habaye ibirori byo guha impamyabumenyi abana basoje Ishuri ry'Incuke (Nursery 3) n'abanyeshuri barangije umwaka wa gatandatu w'amashuri abanza (P6).
Ibi birori byaranzwe n'urugendo rw'abanyeshuri, abayobozi, abalimu n'ababyeyi rwazengurutse mu isantere ya Ngororero, imbyino, indirimbo, imivugo ndetse n'impanuro z'abayobozi batandukanye bagarutse ku kamaro k'uburezi no gushimira abarangije.
Umushyitsi mukuru yari Umuyobozi w'Akarere  wungirije ushinzwe Imibereho Myiza y'Abaturage, Madamu MUKUNDUHIRWE Benjamine.
Ibirori byanitabiriwe n'Umuyobozi w'Ishami ry'Uburezi  n'Umunyamabanga Nshingwabikorwa w'Umurenge wa Ngororero.
Uwashinze Wisdom Schools yari ahagarariwe na Bwana NDUWAYESU Aimé, Umuyobozi Mukuru wa Wisdom Schools mu Rwanda.
Iki gikorwa cyabaye umwanya wo kugaragaza ibikorwa n'iterambere Wisdom School Ngororero imaze kugeraho, gushimira abanyeshuri basoje Nursery 3 na P6, no kubifuriza gukomeza amasomo yabo neza mu byiciro bikurikiraho.
Abarangije bahawe impamyabushobozi (Certificates of Recognition) zatanzwe n'uwashinze Wisdom Schools mu rwego rwo kubashimira no kubashishikariza gukomeza kwitwara neza mu masomo.