Ngororero: Inama Njyanama yemeje ingengo y’Imari ya 2026-2027 ingana na 43,000,587,593 frws.

Inama isanzwe y'Inama Njyanama y'Akarere ka Ngororero irateranye iyobowe n'Umuyobozi wayo Madamu Nyiramasengesho Jeannette 
Ku murongo w'ibyigwa hari:
- Gusuzuma inyandiko zashyikirijwe Inama Njyanama; 
- Kwakira raporo cy'imikoreshereze y'ingengo y'imari y'umwaka wa 2025-2026;
- Gusesengura no kwemeza ingengo y'imari y'umwaka wa 2026-2027;
- Kwakira raporo za Komisiyo z'Inama Njyanama z'igihembwe cya kane 2024-2025;
- Kwakira raporo y'ibikorwa by'amezi 6 y'abagize Komite Nyobozi y'Akarere;
- Kwakira no gusuzuma raporo ya Komite Ngenzuzi. 
Inama yemeje ingengo y’Imari ya 2026-2027 ingana na 43,000,587,593 frws.
 Umuyobozi w’Inama Njyanama Madamu NYIRAMASENGESHO Jeannette yashimiye Ubuyobozi bw’Akarere uburyo Akarere ka Ngororero gakomeje gukoresha neza ingengo y’Imari kuko kabonye nta makenwa muri raporo y’ibaruramari ( clean in financial statement) , ikoreshwa ry’amafaranga( value  of money)  na raporo y’iyubahirizwa ry’amategeko ( complience with laws and regulations) mu bugenzuzi bwakozwe n’Umugenzuzi Mukuru w’Imari ya Leta mu mwaka 2024-2025. Yaboneyeho  gusaba ko bakomereza aho.
Intumwa ya MINECOFIN Bwana MUTABAZI John Bosco mu kwemeza ingengo y’imari yashimiye Ubuyobozi bw’Akarere mu mitegurire y’ingengo y’imari, agaragaza ko kugeza ubu Igihugu kigeze kuri 96% mu kwihaza mu ngengo y’imari.
Inama yitabiriwe kandi  Umunyamabanga Nshingwabikorwa w'Akarere,  Umuyobozi w'Imirimo Rusange, n'Umuyobozi w'ishami ry'igenamigambi, ikurikirana n'isuzuma.