Ngororero: Ikigo nderabuzima cya Rusussa kigiye gusanwa no kongererwa inyubako

 Uyu munsi, ku wa 09 Nyakanga 2026, habaye igikorwa cyo gutangiza ku mugaragaro no guhererekanya ahazakorera umushinga wo gusana Ikigo Nderabuzima cya Rususa, uterwa inkunga na KOFIH. Uyu mushinga ujyanye n'umushinga mugari wo kubaka Ibitaro by'Akarere bya Muhororo.
Iki gikorwa cyayobowe n'Umuyobozi w'Akarere ka Ngororero, Bwana NKUSI Christophe, ari kumwe n'Umuyobozi w'Akarere Wungirije ushinzwe Imibereho Myiza y'Abaturage, Madamu MUKUNDUHIRWE Benjamine.
Muri iki gikorwa intumwa zari ziyobowe na SINAYOBYE Erneste, Umuyobozi w'Umushinga muri Minisiteri y'Ubuzima, zari zigizwe n'abahagarariye inzego zishyira mu bikorwa uwo mushinga zirimo Minisiteri y'Ubuzima , Minisiteri y'Imari n'Igenamigambi , Ikigo cy'Igihugu gishinzwe Imyubakire (Rwanda Housing Authority), Diyosezi Gatolika ya Nyundo, ndetse na Minisiteri y'Ingabo (nk'umwubatsi w'umushinga).
Igikorwa cyaranzwe n'inama yo gutangiza umushinga ku mugaragaro, kumurika no kuganira ibiwukubiyemo, gusura ahazakorera imirimo no kuhahererekanya ku mugaragaro.
Ibibazo n'imbogamizi byose bifitanye isano n'ishyirwa mu bikorwa ry'uyu mushinga byaganiriweho kandi hafatwa ingamba zo kubikemura.