Ngororero: Akarere kateye intambwe igaragara mu kwinjiza imisoro n'amahoro
Inama ngishwanama ku misoro n'amahoro (Tax Advisory Council), yayobowe n'Umuyobozi w'Akarere wungirije ushinzwe Iterambere ry'Ubukungu, Bwana Uwihoreye Patrick ari kumwe n'Umuyobozi w'Ikigo cy'Igihugu gishinzwe kwinjiza imisoro n'amahoro (RRA) mu Karere ka Ngororero Bwana Ntigura Denys.
Inama yari igamije kureba uko umuhigo wo gukusanya imisoro n'amahoro washyizwe mu bikorwa mu mwaka w'ingengo y'imari wa 2025-2026, imbogamizi zagaragaye, ingamba zafatwa, umuhigo w'imisoro n'amahoro bizakusanywa mu mwaka wa 2026-2027 na EBM kuri bose.
Nk'uko byagaragajwe n'Umuyobozi w'Ikigo cy'Igihugu gishinzwe kwinjiza imisoro n'amahoro (RRA) ishami rya Ngororero;
mu mwaka wa 2025-2026 Akarere kari kihaye umuhigo wo kwinjiza 1,276,330, 086 frws nyuma kaza kwinjiza 1,157,076,773 frws, bingana na 90,6%.
Uyu mwaka wa 2026-2027 umuhigo ni ukwinjiza 1,556,573,689 hakazabaho inyongera ya 21,9% ugereranije n'umwaka ushize.
Umurenge wa Kageyo niwo wakusanije imisoro n'amahoro ku rwego rwo hejuru ku kigero cya 126%.
Zinwe mu mbogamizi zatumye imisoro n'amahoro bitinjira neza: abacuruzi badakoresha EBM uko bikwiye, ibiza byatumye imihanda ijya ku birombe by'imicanga itaba nyabagendwa.
Zimwe mu ngamba zafashwe:
- Gukomeza ubukangurambaga mu kwishyura umusoro ku mitungo itimukanwa;
- Gukomeza ubufatanye bw'inzego zose zifite aho zihurira n'imisoro n'amahoro;
- Gukomeza igikorwa cyo gukurikirana abamenyekanisha imisoro n'amahoro ntibishyure, n'abadakora imenyekanisha kandi bafite ibikorwa bisora,
- Abacuruzi bose bagomba gukoresha EBM.
Byagaragaye ko umwaka ushize Akarere ka Ngororero kateye intambwe ikomeye mu kwinjiza imisoro n'amahoro.
Vice Mayor Uwihoreye yibukije ko imbaraga nyinshi zigomba gukomeza gushyirwa mu ikusanya ry'imisoro n'amahoro kugira ngo uruhare rwayo mu iterambere rukomeze kwiyongera.
Inama yitabiriwe na Division Manager and Corporate Services Bwana UWINGOGA Christophe, abayobozi b'Inzego z'Umutekano, Abanyamabanga Nshingwabikorwa b'Imirenge, abakozi ba Rwanda Revenue Authority, abakozi bo mu ishami ry'imari, abashinzwe imari mu mirenge n'abakozi ba NGALI