Ngororero: Abaturage bakereye kwifotoza bitegura indangamuntu koranabuhanga

Muri iki gitondo mu Karere ka Ngororero hatangiye ibikorwa bijyanye no gufotora abaturage bazahabwa indangamuntu koranabuhanga. Ibikorwa bitangiriye mu mirenge ya Ndaro,  Kavumu, Bwira na Sovu.
Umuyobozi w'Akarere @cnkusi20 ari kumwe n'uyoboye itsinda ry'abari mu ibi bikorwa  yakurikiranye imigendekere yabyo kuri site ya Gasave mu kagari ka Bijyojyo mu murenge wa Ndaro.
Yibukije abaturage ibyiza by'indangamuntu koranabuhanga,  asaba abaturage kwitabira kwifotoza nta numwe usigaye. 
Umuyobozi w'Akarere wungirije ushinzwe iterambere ry’ubukungu Bwana UWIHOREYE Patrick ari gukurikirana ibi bikorwa mu murenge wa Bwira. 
Abaturage bagaragaje ko bishimiye kuzafata indangamuntu koranabuhanga bavuga ko bagiye kubwira baganzi babo bakiri mu mayira bataragera ku mu sites kwihutira kuhagera. Biteganijwe ko ibikorwa bizasoza tariki 6/08/2026 bigasorezwa mu mirenge ya Ngororero na Muhororo.