Nyuma y'uruzindiko Umuyobozi Mukuru wa REMA Madamu Kabera Juliet na Madamu Amaliza Vivine LAFREC Project Coordinator bari kumwe n'Umuyobozi w'Akarere ka Ngororero Bwana NDAYAMBAJE Godefroid bagiriye mu nzuri za Gishawati (30/07),bakagenzura ibikorwa  byo gutunganya izi inzurii kuri hegitari 89; Umunyamabanga Nshingwabikorwa w’Intara y’Uburengerazuba Madame UWAMBAJEMARIYA Florence ari kumwe n’Umuyobozi ushinzwe iterambere Bwana NYAMASWA Emmanuel, nabo basuye ibikorwa by’Umushinga LAFREC mu Karere ka Ngororero. Bari baherekejwe n’Umuyobozi w’Akarere wungirije ushinzwe ubukungu, Bwana UWIHOREYE Patrick ari kumwe n’Umukozi w’Umushinag LAFREC hamwe n’abatechniciens ba RF.
Basuye imirimo ijyanye no gutunganya inzuri za Gishwati. Nyuma yo gusura ahari gukorerwa iyi imirimo bishimiye aho iki gikorwa  kigeze ariko basaba ko hashyirwamo imbaraga kugira ngo abagenerwabikorwa barusheho kubigira ibyabo; bityo bifashe mukongera uburambe bwabyo. Hasabwe kandi gukomeza gukora imyiteguro yo gusimbuza ibiti byapfuye no kongera aho bitagaragara.

Ubu hari gutegurwa ingemwe zizifashishwa mugusimbuza ibyapfuye hakazabaho no gusinyana amasezerano n'aborozi yo kubungabunga ibiti biteye mu nzuri zabo.Uyu mushinga ushyirwa mubikorwa n'akarere kubufatanye na Reserve force ku nkunga ya LAFREC.

Hanasuwe kandi ahakozwe amaterasi ndinganire ndetse n’ahakorerwa ubworozi bw’ingurube bwa kijyambere mu Murenge wa Bwira aho basanze zimeze.  Bagaragarijwe n’abagenerwabikorwa ko bakunda guhura n’iikibazo cy’isoko ryazo.
Hagaragajwe kandi ko hagomba gukazwa ingamba muguca burundu ibikorwa bitemewe by’ubucukuzi bw’amabuye y’agaciro byangiza ibidukikije.