Kuri uyu wakabiri tariki ya 4/08/2020 umuyobozi  w'Akarere Bwana NDAYAMBAJE Godefroid yayoboye inama yasuzumye  aho Akarere kageze gakumira ikwirakwira rya COVID-19.
 Harebwe ibyakozwe, uko bihagaze ubu mu Karere  n'ingamba zafatwa mu gukomeza gukumira.
Muri bimwe mu byakozwe hari uko abaturage 52,229 bakorerwe screening mu bitaro no mu bigo nderabuzima. Nta bimenyetso bya Coronavirus bagaragaje.
 Bakanguriwe kwambara agapfukamunwa, gukaraba intoki kenshi n'amazi meza n'isabune, guhana intera ya metero hagati y'umuntu n'undi, gukoresha kandagirukarabe, kwishyura hifashishijwe ikoranabuhanga....
 Uko bihagaze ubu: ubukangurambaga burakomeje, abaturage bakomeje imirimo yabo ya buri munsi. Bazi neza ko icyorezo ntaho cyagiye ko ahubwo bagomba gukomeza kugikumira.

 Hagaragajwe impungenge z'uko haba harabaye kudohoka mu bukangurambaga. Kuko nko kwambara neza agapfukamunwa, guhana intera nibura ya metero 1, kwirinda utubari mu ngo ntibyubahirizwa uko bikwiye. Aha command posts kuva ku karere kugeza kw'isibo y'umudugudu zasabwe kongera ingufu zidasanzwe mu bukangurambaga.

Mayor NDAYAMBAJE yavuze ko kuba insengero zigenda zihabwa uburenganzira bwo gufungura ari ngombwa gukaza ingamba zo gukomeza gukumira Coronavirus.

 Hari amashuli yifashishijwe mu kuba yakwakira abashyirwa muri isolement. Hagomba gutekerezwa icyayasimbura aramutse atangiye mu kwezi kwa 9.
Hemejwe ko hashakwa ahantu hatandukanye hakwakirirwa abarwayi bataragaraza ibimenyetso n'ababifite igihe babonetse.
Tariki ya 5/08/2020 amatsinda 2 azashaka ahakwakira bariya barwayi igihe babonetse.

 Inama yitabiriwe na komite Nyobozi y'Akarere, abayobozi bakuru b'ibitaro bya Muhororo na Kabaya na bamwe mu bakozi babyo, inzego z'umutekano n'abakozi no mw'ishami ry'ubuzima.