Ni umwe mu myanzuro y'inama y'igihembwe yahuje ubuyobozi bw'Akarere ka Ngororero n'abakozi ba Komisiyo y'Igihugu y'Ubumwe n'Ubwiyunge hifashishijwe ikoranabuhanga rya Webex meetings.
Baganiriye ku ngingo zikurikira:
1. Ishyirwamubikorwa rya gahunda y'ibikorwa 2019-2020
2. Gahunda y'ibikorwa 2020- 2021
Nyuma yo kuganira kuri izi ngingo hafashwe imyanzuro ikurikira:

1.Gukomeza kwimika, gusigasira ubunyarwanda n'ubumwe n'ubwiyunge byo nkingi y'iterambere rirambye.
2. Kwita ku bibazo bikibangamiye ubumwe n'ubwiyunge (kwita ku bafungurwa basubizwa mu buzima busanzwe no kubahuza n'abarokotse Jenoside yakorewe abatutsi bakorerwa isanamitima)

3.Kwita ku rubyiruko ubu rushaka kurangazwa na Social media bakamenya gushishoza kugirango batifatanya n'abafite ingengabitekerezo ya Jenoside bari hanze y'Igihugu bavuga u Rwanda nabi.
4.Gukomeza gahunda y'ikiganiro cya Ndi umunyarwanda k'uburyo bw'imbitse mu baturage
 mu tugari.
5.gutegura neza ukwezi kwahariwe kuzirikana ubumwe n'ubwiyunge hakoreshwa radio z'abaturage mu gutanga ubutumwa muri iki gihe cya Covid-19.

6.Kwita ku mihigo muri rusange ikagaragara muri action plan y'akarere n'iy'imirenge mu rwego rwo kuyiha agaciro.

Inama yitabiriwe:

1. Kuruhande rw'Akarere
Komite nyobozi
Umunyamabanga Nshingwabikorwa w'Akarere
Abakuriye inzego z'umutekano ku karere
Umuyobozi w'ishami ry'imiyoborere myiza
Umuyobozi w'ishami ry'uburezi
Umuyobozi w'ishami ry'igenamigambi
Umukozi ushinzwe ibikorwa by'ubumwe n'Ubwiyunge(Umutahira)
Abanyamabanga Nshingwabikorwa b'Imirenge.
2. Ku ruhande rwa NURC:
Komiseri  muri NURC Bwana Muhire Louis Antoine  akaba n'imboni y'Akarere ka Ngororero
Bwana Renzaho Giovanis umuhuzabikorwa wa Komisiyo y'Igihugu y'Ubumwe n'Ubwiyunge  mu ntara y'Iburengerazuba.