Umunsi mukuru mpuzamahanga w'umugore wizihijwe mu mirenge yose igize Akarere ka Ngororero.  Ku rwego rw'Akarere igikorwa cyabereye mu murenge wa Muhanda mu kagari ka Gasiza.  Ibirori bytangijwe no gutaha inzu ya Muzirakurutwa Winifirida yubakiwe na ba Mutimawurugo.
Yatashywe n'itsinda ry'abadepite bo mu Ihuriro ry'Abanyarwandakazi mu Nteko Ishinga Amategeko (FFRP)  riyobowe na Hon Senateri Uwera Pélagie, Umunyamabanga Nshingwabikorwa w'Intara y'Iburengerazuba Madame UWAMBAJEMARIYA Florence,  Umuyobozi w'Akarere @cnkusi20,  Umuyobozi w'Akarere wungirije ushinzwe imibereho myiza y'abaturage @MukunduhirweBe, bamwe mu bajyanama mu Nama Njyanama y'Akarere,  bamwe mu bafatanyabikorwa nka World vision, Umuhuzabikorwa w'Inama y'Igihugu y'Abagore, abayobozi b'Inzego z'Umutekano zikorera mu Karere, umukozi w'Akarere ufite ihame ry'uburinganire n'umuryango mu nshingano, abayobozi n'abaturage b'umurenge wa Muhanda.
Ibirori byakomeje abagore bamurika ibyo bagezeho mu tugari dutandukanye; hasezerenywa imiryango yiyemeje kubana ku buryo bwemewe n'amategeko,  abana bagaburirwa indyo yuzuye, abitabiriye ibirori bagezwaho impanuro zitandukanye zijyanye n'iterambere ry'umugore, kwirinda 
Ihohoterwa, kurinda abangavu gutwara inda zitateganijwe, kurinda urubyiruko ibiyobyabwenge n'izindi ngeso mbi.
Ibirori byaranzwe kandi no kuremera imiryango itishoboye matelas,  inka n'ibiribwa.i
Umushyitsi Mukuru Senateri Uwera Pélagie yagarutse ku bikorwa bya ba Mutimawurugo mw'iterambere ryIgihugu agira ati "turashoboye, turi ab'abagaciro, turi ingenzi, turi ba Mutimawurugo,  turi inkingi z'iterambere dukomeze dutere intambwe idasubira inyuma"