Umuganda ngarukakwezi w'Ugushyingo wabereye mu murenge wa Gatumba akagari ka Rusumo. Witabiriwe na minister w'uburinganire n'iterambere ry'umuryango akaba n'imboni y'akarere ka Ngororero muri guverinoma Hon. Nyirahabimana Soline. Yari kumwe n'umuyobozi w'akarere Bwana Ndayambaje Godefroid inzego z'umutekano abapadiri n'abihayimana abasore n'inkumi bo muri doyenné ya Muhororo bari muri forum y'urubyiruko kuri paroisse ya Muhororo bagera kuri 600.

Urubyiruko rugera kuri 650 mu muganda wo kubakira abasenyewe n'ibiza

Habayeho gusiza ikibanza, gutunda amabuye n'umucanga byo kubaka amazu y'imiryango 8 yasenyewe n'ibiza.
 Nyuma y'umuganda hakurikiyeho igikorwa cyo guha abana amata n'indyo yuzuye. Hon minister yashimiye ababyeyi bitabiriye gahunda y'urugo mbonezamikurire asaba abatarayitabira kwihutira kuyiyoboka ngo kuko umwana agomba gukura yuzuye haba mu bwenge ndetse no mu gihagararo

Hon. Minister Nyirahabimana yanaganiriye n'abaturage biganjemo urubyiruko. Yaruhaye impanuro zikomeye ziganisha kuri ejo hazaza harwo. Abo basore n'inkumi basaga 600 yabasabye  kugira ubuzima bufite intego bakagendera kure ibiyobyabwenge no gutwita inda zitateganijwe. Yashimiye ababyeyi bohereza abana mu rugo mbonezamikurire kuko umwana agomba gukura afite ubuzima buzira umuze. Yanashimiye ubwitange buranga abita ku bana asaba ababyeyi babo kubahora hafi.

Urubyiruko  rwabajije ibibazo bijyanye n'ejo hazaza harwo rusaba ko inzego zinyuranye zarushaho kurwitaho. Intore zo mu ngamba y'ingoboka rugamba nazo zahawe umwanya wo gutanga ibitekerezo n'ibibazo. Mayor Ndayambaje afatanije na ministre Nyirahabimana batanze umurongo w'ibibazo n'ibiyivuzo.  Bimwe byahawe ibisubizo, ibindi bikazakorerwa ubuvugizi.

Ministre Nyirahabimana yashimiye ubuyobozi bw'akarere kubera imbaraga bashyira mu kwita ku batishoboye no guharanira iterambere rya'abaturage muri rusange.

Minister Nyirahabimana n'abo bari kumwe bahaye abana amata n'indyo yuzuye

Hon. minister yagiranye ikiganiro n'abitabiriye umuganda