Nk'uko byagenze mu kwezi gushize kwa Werurwe, mu kwezi kwa Mata  ubukangurambaga bwo gukumira ikwirakwira rya Coronavirus bwarakomeje. Intambwe abaturage bamaze gutera mu kwirinda no gukumira icyorezo cya Covid-19 irashimishije. Dore uko ubwo bukangurambaga bwagenze umunsi k'uwundi. 

Kuwa 1/04/2020 (14h15-16h00).

Radio HUGUKA yahitishije ikiganiro  ku kwirinda no gukumira Covid-19.
Cyatanzwe n'umuyobozi w'Akarere Bwana NDAYAMBAJE Godefroid ari kumwe na DG w'ibitaro bya Muhororo na padiri mukuru wa paroisse Rususa uyoboye ihuriro ry'amadini n'amatorero mu Karere ka Ngororero.
 By'umwihariko urubyiruko rwibukijwe gukurikuza amabwiriza rwirinda kugendagenda no kugurobereza mu ma centres.

  Kuwa 2 Mata 2020

Task force yo ku rwego rw'Akarere yo kurwanya no gukumira Coronavirus yateranye. Yasabye abanyamabanga Nshingwabikorwa b'imirenge bari bayitabiriye  gukomeza gukurikirana iyubahirizwa ry'amabwiriza ajyanye no gukumira iki cyorezo.

 Kuwa 3/04/2020

Ubukangurambaga bwakozwe ku buryo bukurikira

-Mu isoko rya Birembo mu murenge wa Sovu: Mayor+RF Commander
-Mu isoko rya Gasiza mu murenge wa Muhanda: Vce Mayor FED+ DPC
-Mu isoko  rya Gatega mu murenge wa Hindiro:Vce Mayor Asoc + Army
-Mu isoko rya Ngororero mu murenge wa Ngororero:Dasso coordinator+Health Unity

Kuwa 4 Mata.

-Mu masoko yaremye uyu munsi abaturage bakanguriwe gusiga intera nyayo hagati y'umuntu n'undi. Kandi biragenda byubahirizwa
-Police y'Igihugu mu Karere ka Ngororero yabyukiye mu bukangurambaga bwo kurwanya COVID_19 yifashishije Sono Mobile.
-Mu tugari twose naho ubukangurambaga bwakomeje hifashishijwe megaphones.

Kuwa 7/4/2020

kuri NGORORERO Command Post COVID-19 hakozwe ibikorwa bitandukanye:

1.GUPIMA (SCREENING) COVID-19

Mu  bitaro no mu  Bigo nderabuzima bapimye abaturage  433
Muri zone y’ibitaro bya Kabaya bapimye abaturage 117 Naho muri zone y’ibitaro bya Muhororo bapimye  abantu 316 . Mu bapimwe bose nta numwe wagaragaje ibimenyetso

2.KUGENZURA  IYUBAHIRIZWA RY’AMABWIRIZA YATANZWE MURI GAHUNDA YO GUKUMIRA IKWIRAKWIZWA RYA CORONAVIRUS

Ubugenzuzi bwakozwe harebwa ko  nta bantu bagendagenda nta mpamvu zifatika bafite, kureba ko nta barengeje amasaha yagenywe yo gufunga amaduka b'ibiribwa,...
Aho basangaga bitubahirijwe bigishwaga


3.KWAKIRA ABINJIRA  MU KARERE   BATURUTSE HANZE YAKO NO GUSOHORA ABUJUJE IMINSI 14 BARI MU RUGO IWABO

Mu Karere ka Ngororero  habaruwe  abaturage  27 binjiye mu Karere  baturutse :
- Mu mugi wa Kigali:14
- Mu Karere ka Rubavu: 4
- Mu Karere ka Kamonyi :2
- Mu Karere ka Nyaruguru: 1
- Mu Karere ka Karongi: 1
- Mu Karere ka Rulindo : 1
- Mu Karere ka Ruhango : 1
- Mu Karere ka Nyamagabe :1
- Mu Karere ka Gatsibo : 1
- Mu Karere ka Musanze : 1
Uko ari  27 babanje gukorerwa Screening  COVID-19 basanze ari bazima
Uyu munsi abarangije iminsi 14 bari mu kato iwabo ni 146. Bose  bameze neza.
 
ISOLATION MU BITARO

Haracyari umuntu 1 uri muri isolation room mu bitaro bya Kabaya

Dukomeze Kwibuka Twiyubaka

Ibikorwa byakozwe mu ijoro ry'uwa 7 rishyira uwa 8/4/2020

Gukomeza gukurikirana iyubahirizwa ry’amabwiriza yashyizweho na Nyakubahwa Minisitiri w’Intebe :
-Hagenzuwe ko abacuruzi batavanga ibiribwa n'ibindi bicuruzwa, ko nta bantu bagenda bafite impamvu zidafatika,....
Ubwo bugenzuzi  bwakozwe mu mirenge yose
Abatubahije amabwiriza bigishwaga abakomeza kuyarengaho baciwe amande
- Hakozwe Screening COVID-19
Mu bitaro by’Akarere no mu bigo Nderabuzima Screening COVID-19 yakorewe abantu 7:

-Muri Zone y’Ibitaro bya Muhororo hapimwe abantu 2
-Muri zone y’ibitaro bya Kabaya hapimwe  abantu 5

-Muri isolation umuntu 1 niwe ugikurikiranwa muri Isolation room y’Ibitaro bya Kabaya
 Dukomeze Kwibuka Twiyubaka

Kuwa 8/04/2020

Mobilisation yo kurwanya no kwirinda COVID 19 yakozwe ku buryo bukurikira:1. Mayor na RF Commander bakoreye mw'isoko rya Birembo mu murenge wa Sovu.

2. Mu murenge wa Bwira mw'isoko rya Gashubi hakoreye DES na DPC
3. Mu mirenge ya Nyange  na Gatumba mu masoko ya Nyange na Rusumo hakoreye vm FED na CO Army
4. Mu mirenge ya Muhanda  na Kabaya mu masoko ya Gasiza na Kabaya hari VmASOC
5. Mu murenge wa Ngororero mw'isoko rya Ngororero hari Dir santé na Dasso.
6.Mu murenge wa Hindiro mw'isoko rya Gatega hakoreye umuyobozi wa RIB  na Dasso coordinator
Abarema isoko baragura cyangwa bakagurisha bagahita bataha iwabo bakitegura gukurikirana ibiganiro bijyanye no Kwibuka 26.

Kuwa  10/4/2020

Ubukangurambaga bwo gukumira no kwirinda Coronavirus bwibanze mu masoko no mu ma centres y'ubucuruzi.
-Abarurage bakomeje gukangurirwa kubahiriza social distancing, abacuruzi bakirinda kuvanga ibiribwa n"ibindi bicuruzwa,
-abarema isoko bakitwararika kutaritindamo.
 Ibindi :
- Muri Isolation center yo kuri  GS IBUKA (zone Kabaya) na College ADEC Ruhanga(zone Muhororo): 0
-Muri  self Isolation : 0
- Nta muturage mushya wakiriwe winjiye mu Karere aturutse hanze yako.
-Abaturage bakorewe screening COVID-19 mu bitaro no mu bigo nderabuzima ni 8
bose basanze nta bimenyetso bya COVID-19 bafite.
-Gahunda yo kwibuka ku nshuro ya 26 jenoside yakorewe abatutsi irakomeje hanubahirizwa amabwiriza yo gukumira Covid-19.
Dukomeze Kwibuka Twiyubaka

Kuwa 11/04/2020
 
-Abaturage bakanguruwe gukomeza kubahiriza amabwiriza ajyanye no kuyikumira no kuyirinda.
-Igikorwa cyabereye mu masoko no mu ma centres y'ubucuruzi hifashishijwe megaphones na foot patrols.
Gahunda yo kwibuka Abazize Jenoside yakorewe abatutsi nayo irakomeje

 IBINDI :
- Muri Isolation Centers ASPAD Ngororero na TTC Muramba : 0
-Mu self Isolation  : 0
- Abaturage bakiriwe binjiye mu Karere bava hanze yako: 7
-Abaturage bakorewe screening COVID-19 mu bitaro no mu bigo nderabuzima ni 6.
Bose bapimwe basanga nta kibazo bafite.

Dukomeze Kwibuka Twiyubaka

Kuwa 13/04/2020

Command posts z'imirenge n'utugari zifashishije megaphones zakoreye mu midugudu zikangurira abaturage:
-gukaraba intoki inshuro nyinshi hakoreshejwe amazi meza n'isabune
-kwirinda ingendo zidafite umumaro
-urubyiruko kwirinda kugendagenda mudu centres barema udutsiko
-kwirinda kunywa inzoga rwihishwa mu duhuru cyangwa mu ngo
-Muri centre ya Ngororero hakozwe ubugenzuzi bwo kureba niba abacuruzi barashyizeho ibimenyetso bifasha abaturage guhanahana intera nibura ya metero 1 hagati y'umuntu n'undi.

Kuwa 14 April 2020.

Ibyakozwe mu bukangurambaga bwo gukumira no kwirinda Coronavirus:
 
Mobilisation mu murenge wa:
-Bwira/Mayor & ES
-Sovu /Vm FED
-Muhanda/VmASOC
Buri muyobozi aba ari kumwe n'urwego rw'umutekano.

- Komite Nyobozi y'Akarere n'inzego z'umutekano bakoreye mu masoko manini mu  mirenge ya Bwira, Sovu na Muhanda bareba uko amabwiriza yubahirizwa.
-Mu mirenge bakomeje gukangurira abaturage guhanahana intera hagati y'umuntu n'undi
-Abana bacaracara bigishijwe kuguma mu rugo
-Mu ma centres bakomeje gushyira imbere y'amazu y'ubucuruzi y'ibiribwa ibimenyetso bifasha abaturage kutegerana
-Hifashishijwe megaphones mu tugari abaturage bibukijwe amabwiriza abafasha kwirinda Coronavirus

Kuwa 15/04/2020

-Mu ma centres y'ubucuruzi bakomeje igikorwa cya social distancing bashyiraho ibimenyetso bifasha abaje guhaha ibiribwa guhanahana intera yagenwe
-Mayor hamwe n'umuyobozi w'ingabo bakoreye mu masoko y'umurenge wa Ngororero
-VmASOC yakoreye mu masoko y'umurenge wa Kabaya
-vm FED yakoreye mu masoko y'umurenge wa Nyange.
Hifashishijwe megaphones
-abaturage bibukijwe amabwriza ajyanye no gukumira no kwirinda Coronavirus hanagenzurwa ishyirwa mubikorwa ryayo.
-Urubyiruko rwibukijwe kwirinda kugendagenda ahariho hose bakora udutsiko ku du centres, bakaguma mu rugo bafasha barumuna babo gukurikira amasomo bategurirwa na REB.

Kuwa 16/04/2020

Ubukangurambaga burakomeje mu gukumira no kwirinda Coronavirus bwabereye mu mirenge yose abaturage bibutswa amabwiriza hanagenzurwa uburyo yubahirizwa.
-Mbere yo kwinjira mu masoko abaturage babanje gukaraba intoki kandi bubahirije intera isabwa hagati y'umuntu n'undi. Umuze kugura/kugurisha agahita ataha.
-Urubyiruko rwibukijwe kwirinda kugendagenda nta mpamvu birinda kwegerana.
-Mu  mirenge ya Hindiro, Ndaro, Muhororo na Matyazo ubukangurambaga bwabereye mu midugudu.

-Abaturage bageze heza bubahiriza amabwiriza bahabwa.

Kuwa 17/04/2020.

Komite Nyobozi hamwe n'inzego z'umutekano bakoreye mu mirenge:
-Mayor yakoreye mw'isoko rya Birembo na centres z'ubucuruzi mu murenge wa Sovu
-VmASOC yakoreye mu murenge wa Muhanda mu ma centres y'ubucuruzi no mw'isoko rya Gasiza
-Vm FED yerekeje mu murenge wa Hindiro mu ma centres no mw'isoko rya Gatega.
Ibyibanzweho:
-Social distancing by'umwihariko mu masoko
-Kwibutsa amabwiriza no kugenzura uburyo ashyirwa mu bikorwa
No mu yindi mirenge ubukangurambaga bwakozwe mu tugari hifashishijwe megaphones.

Kuwa  18/04/2020

Ubukangurambaga burakomeje mu gukumira no kwirinda Coronavirus nubwo imvura itoroshye.
-VmASOC yakoreye mw'isoko rya Ngororero
-vm FED na DES bakoreye mw'isoko rya Kabaya. 
Bari kumwe n'inzego z'umutekano.
Hifashishijwe megaphones Abaturage bibukijwe amabwriza ajyanye no gukumira Coronavirus hanarebwa uko ashyirwa mu bikorwa.
-Abaremye isoko babanje gukaraba mbere yo kuryinjiramo
-Intera igaragara hagati y'umuguzi n'ugurisha yubahirijwe
-Gutinda mw'isoko ntibikibaho. Umaze guhaha anita ataha.
-Mu tugari tw'imirenge yose abaturage bakomeje gukangurirwa amabwiriza, urubyiruko rugacika ku kamenyero ko kugendagenda no gukora udutsiko kuri centres z'ubucuruzi.

Kuwa 19/04/2020

- mu tugari twose abaturage basabwe kwitwararika amabwiriza bahabwa umunsi ku wundi
-abaturage bibukijwe gahunda  ya "guma mu rugo"  kugeza tariki ya 30 Apr 2020 basabwa kuyubahiriza.
-social distancing yibanzweho nubwo hari aho imvura yasibye utumenyetso twafashaga abagura n'abagurisha guhana intera isabwa.

Kuwa 20 Apr 2020.

Inama ya Task force y'Akarere yo kurwanya Coronavirus yateranye ifata imyanzuro ikurikira: -gukomeza ubukangurambaga bwimbitse mu baturage bagakomeza gukumira no kwirinda Covid_19  -kurwanya abanywa inzoga rwihishwa haba mu ngo cyangwa ahandi hihishe
-Ababyeyi bagomba guhoza ijisho ku bana by'umwihariko urubyiruko bakabarinda kuva mu rugo nta mpamvu.
-Kudatinda mw'isoko niba uwariremye amaze guhaha cyangwa kugurisha akihutira gutaha iwe. Social distancing igomba gukomeza kwitabwaho
-gutonda imirongo imbere y'insyo ku baje gushesha ntibyemewe
-Megaphones zigomba gukomeza gukoreshwa kurushaho mu gutanga ubutumwa mu baturage.

-ubukangurambaga bugomba kurushaho kwibanda mu midugudu.
-Croix Rouge y'u Rwanda yagarutse mu Karere ka Ngororero mu kunganira Akarere muri gahunda yo kurwanya Covid-19. Yakoreye mw'isoko rya Gatega mu murenge wa Hindiro no mu rya Kabaya mu murenge wa Kabaya.

Kuwa 21 Mata 2020

-Mayor yakoreye mu murenge wa Muhanda mw'isoko rya Gasiza no mu ma centres y'ubucuruzi
-VmASOC yakoreye mu murenge wa Muhororo mu ma centres y'ubucuruzi
-vm FED yakoreye mu murenge wa Sovu mw'isoko Birembo no mu ma centres y'ubucuruzi
-DES yakoreye mu murenge wa Bwira mw'isoko rya Gashubi no mu ma centres y'ubucuruzi.
Bose bari kumwe n'inzego z'umutekano.
-Abaturage bakarabye intoki mbere yo kwinjira mu masoko
-Bubahirije intera yagenwe hagati y'umuntu n'undi
-Croix Rouge y"u Rwanda nayo yakomeje ubukangurambaga yifashishije sono Mobile. Yakoreye mu mirenge ya Ndaro na Bwira.

-urubyiruko rwo mu murenge wa Kabaya rwakoze umuganda wo gushushanya rwakoze umuganda wo gushushanya ibimenyetso byerekera abaturage kubahiriza intera ya 1m hagati y'umuntu n'undi ahatangirwa serivisi zo gutanga ifumbire n'iz'umurenge Sacco
-hirya no hino mu tugari ubukangurambaga bwakomeje hifashishijwe megaphones.

Kuwa 22 Mata 2020
 
Mu masoko ya Kabaya na Ngororero abaturage bibukijwe amabwriza ajyanye no gukumira Coronavirus.

-Bakarabye intoki mbere yo kwinjira mu masoko
-Social distancing yubahirijwe
-Abantu bagendaga mu Muhanda no mw'isoko nta mpamvu bafashwe bahurizwa hamwe ku bibuga bahabwa inyigisho.
-Muri za boutiques hagenzuwe niba bacuruza gusa ibiribwa n'ibikoresho by'isuku
-Abarenze ku mabwiriza babihaniwe bacibwa amande.
-Ubukangurambaga bwanakomeje mu tugari hifashishijwe za megaphones.

Kuwa 23 Mata 2020.

- Ngororero sector ubukangurambaga bwakozwe mutugari hose harebwa abinjiye ndetse n'uko ubuzima bw'abari mu kato  mu ngo 14 buhagaze. Kugeza ubu bameze neza
 
Muri centre ya Ngororero  habayeho gukangurira abayituye n'abacuruzi gukoresha udupfukamunwa, gushyira intera hagati y'umuntu n'undi , gukaraba intoki kenshi nabyo bakomeje kubikangurirwa kandi bimaze kuba umuco.
- Kavumu sector  hagenzuwe ishyirwa mu bikorwa rya social distancing n'ikoreshwa rya Kandagira ukarabe muri centres z'ubucuruzi.
 -Kabaya sector  ubukangurambaga bwibanze k'uburyo COVID-19 yandura, ibimenyetso n'ukuntu umuntu yayirinda.
- Sovu sector  hagenzuwe ubucucike mu muhanda no mu dusanteri tw'ubucuruzi.

- Hifashishijwe megaphones  abaturage bibukijwe kuguma mu rugo, kwirinda kujya guhagarara mu dusanteri, gukaraba intoki n'amazi meza n'isabuni no kugoboka abaturanyi icyorezo cyagizeho ingaruka.
No mu yindi mirenge Command Posts zakoze ubukangurambaga bwimbitse mu tugari no mu midugudu.

Kuwa 24 Mata 2020 .

- Mu murenge wa Kageyo hifashishijwe  megaphones ubukangurambaga bwabereye mu tugari twa Mukore, Rwamamara na Kageshi
- Mu murenge wa Hindiro( isoko rya Gatega), Sovu( Isoko rya Birembo),  abagize Task Force yo kwirinda COVID-19 bahakoreye ubugenzuzi  bareba iyubahirizwa ry’amabwiriza muri ayo masoko
- Mu mirenge yose hagenzuwe Centres z’ubucuruzi harebwa ko nta tubali  twimukiye mu ngo , ko bacuruza ibiribwa, ko bafite Kandagirukarabe zikora neza kandi zinakoreshwa,
- Abaturage bakomeje gukangurirwa uko bakwirinda Coronavirus n’ibimenyetso byayo hakoreshejwe megaphones.
 Banahamagariwe kwambara udupfukamunwa nk’uburyo bwo kwirinda COVID-19.
-Abaturage batitaye ku iyubahirizwa ry’amabwiriza bahurizwa hamwe bakigishwa abakomeje kunangira nk'abacuruza inzoga rwihishwa baciwe amande.

Kuwa 25 Mata 2020

- Command Posts z'utugali mu mirenge yose zakurikiranye ishyirwa mubikorwa ry'amabwiriza yo gukumira ikwirakwira rya Coronavirus.
-Mu murenge wa Kabaya Mayor, VmASOC  n'umuyobozi w'ingabo bakoreye mw'isoko rya Kabaya bagenzura social distancing,  isuku y'ibiganza, udupfukamunwa mu bacuruzi.
- Mu murenge wa Ngororero hifashishijwe megaphone abaremye isoko bakanguriwe kwirinda COVID-19 mu ngo zabo bubahiriza amabwiriza bahabwa buri munsi.
-  Mu murenge wa Sovu hagenzuwe ishyirwa mu bikorwa ry'amabwiriza yo kwirinda Coronavirus mu midugudu yose harebwa abantu bashinze utubari mungo. Aho byagaragaye bagiriwe inama yo kubireka.
Ubutumwa bwatanzwe n'ubwo gukomeza kwirinda Coronavirus  bitabira gukaraba intoki n'amazi meza n'isabuni no guhana intera ya metero hagati y'umuntu n'undi.
- Mu ma centres y'ubucuruzi abacuruzi bakanguriwe gukoresha udupfukamunwa.

Kuwa 26 Mata 2020

- Mu murenge wa Matyazo

mu kagari ka Gitega higishijwe abantu birirwa mu ma centres y'ubucuruzi ntacyo  bakora basabwa kubicikaho,

mu kagari ka Rutare ubukangurambaga bwakorewe mimudugu hifashishijwe megaphone
- Mu murenge wa Muhanda
mu kagari ka Rutagara hakozwe inama yahuje ibimina by'abahetsi, abakuriye centre z'ubucuruzi ndetse n'abajyanama b'ubuzima. Baganiriye kuri gahunda zo kwirinda Covid -19 ndetse no gutegura neza MUSA 2020-2021.
mu kagari ka Gasiza ubukangurambaga bwakorewe mu midugudu hifashishijwe megaphone
- Mu murenge Kabaya
Ubukangurambaga n'igenzura n'ishyirwamubikorwa ry'ingamba zo kurwanya Corona Virus bwakorewe mutugali twose, ku ku bufatanye bw'bayobozi b'utugali, ab'midugudu  hakoreshwa megaphone

Mu kagari ka Mwendo mw'isoko ryaho hakozwe ubukangurambaga ku ngamba zo kwirinda Covid-19 mu baturage  baje guhaha ibiribwa.

-  Mu murenge wa Sovu hagenzuwe ishyirwa mu bikorwa ry'amabwiriza yo gukumira covid19 mu ma centres aho usanga ku cyumweru hari urubyiruko ruza guhagarara muri centres nta mpamvu.
Ubutumwa bwatanzwe ni ubwo gukomeza kwirinda Corona virus baguma mu rugo, guhana intera ya m1 no gukaraba intoki n'amazi meza n'isabuni.
- Mu  murenge wa Ngororero ubukangurambaga bwakomeje mu tugari harebwa uko mu midugudu  bari kubahiriza gahunda ya guma mu rugo no gukurikirana abari mu kato mu ngo  uko ubuzima bw'abo buhagaze.
- Mu murenge wa Bwira   ubukangurambaga bwakorewe mw'isoko rya Kayebe hagenzurwa social distancing no gukaraba intoki n'amazi meza n'isabuni mbere yo kwinjira mw'isoko ndetse no kuriremura bakimara guhaha no kugurisha.

Kuwa 27 Mata 2020

 
 - Mu murenge wa Kabaya hagenzuwe niba abaturage bakomeje kubahiriza amabwiriza yo kwirinda Covid-19, hakozwe ubukangura mbaga ku batubahiriza amabwiriza, bibutswa uburyo Covid yandura, ibimenyetso n'uburyo bwo kuyirinda.
- Mu murenge wa Bwira habaye inama yahuje abakozi b'umurenge, abayobozi b'utugari n'imidugudu , ukuriye abajyanama b'ubuzima mu kagari, Titulaire wa HC Gashubi. Yibanze ku kurushaho gushyira mu bikorwa amabwiriza yo kwirinda COVID-19  no kurushaho kugenzura uko yubahirizwa.
- Mu murenge wa Muhanda ubukangurambaga bwabereye mu tugari dutandukanye abaturage bakomeza gushishikarizwa kwirinda COVID-19.
Mu kagari ka Gasiza ubuyobozi bwako bwasuye imidugudu 2 (Rurandama na Rwantobotobo) hakoreshwa megaphone mu kubwira abaturage uko bakwitwara muri ibi bihe bya Guma mu rugo.
Imvura yaguye umunsi wose hari aho yarogoye igikorwa cy'ubukangurambaga.

Kuwa 28 Mata 2020

- Mu murenge wa Sovu hagenzuwe ubucucike muri centre ya Birembo no mu isoko rya Birembo, abinjiraga bose babanzaga gukaraba intoki n'amazi meza n'isabuni. Ubutumwa bwatanzwe kuri megaphone ni gukomeza kwirinda Coronavirus   bakaraba intoki n'amazi meza n'isabuni, kwirinda gukora k'umunwa no ku mazuru igihe batakarabye intoki kandi abarangije kugura cg kugurisha bagahita bataha bakajya mu rugo. Bibukijwe no guhana intera ya m1 hagati y'umuntu n'undi.
- Mu murenge wa Bwira nk'uko bisanzwe, Ubuyobozi bw' umurenge, Dasso, Akagari ka Gashubi, inkeragutabara abajyanama b'ubuzima ku isoko rya Gashubi bahuriye nu gikorwa cyo gukangurira abagana isoko kurushaho  kwirinda Corona virus, abinjiye mu isoko babanzaga gukaraba, kandi intera irihejuru ya metero imwe yubahirijwe hagati y' umuntu nundi.
 Abaje mu isoko bibutswaga ko umaze guhaha agomba guhita ataha, igikorwa kirakomeje.
 - Mu murenge wa Kageyo ubukangurambaga bwabereye mu kagari ka Muramba hifashishijwe megaphone. Mu tundi tugari imvura n'inkangu byabaye kirogoya.
- Command Posts z'imirenge n'utugari zikomeje gukurikirana iyubahirizwa ry'amabwiriza yo gukumira ikwirakwira rya COVID-19.

Kuwa 29 Mata 2020

 Ubukangurambaga bwo gukumira ikwirakwira rya COVID-19 bwarogowe n'imvura yabyukiye ku nuryango.
 - Mu murenge wa sovu hagenzuwe ishyirwa mu bikorwa ry'amabwiriza yo gukumira Covid19 muri centre ya  Mahembe, Kabayengo, Ruseke ahantu hari urubyiruko ruza guhagarara muri izo centres . Ubutumwa bwatanzwe n'ubwo kuguma mu rugo guhanahana intera isabwa hagati y'umuntu n'undi.
- Mu murenge wa Kabaya ubukangurambaga bwibanze ku kwibutsa abaje mw'isoko rya Kabaya  amabwiriza yo gukumira ikwirakwira rya COVID-19.  Bakarabye intoki mbere yo kwinjira mu isoko, banubahiriza intera ya m1 hagati y'ugura n'ugurisha kandi bakihutira gutaha bakirangiza icyabazanye.
- Mu kanya imvura imaze guhita Command Posts z'itigari zifashishije megaphones zikomeza ubukanguramba mu midugudu. Abayituye bibukijwe ko bibujijwe kwimurira  utubari mu ngo no nu mashyamba.
- Gusibura inkangu zafunze imihanda mu mirenge birimo gukorwa abaturage bitwararika amabwiriza  yo kwirinda Coronavirus.

Kuwa 30 Mata 2020

- Guverineri w'Intara y'Iburengerazuba Bwana Munyantwari Alphonse ari kumwe n'abakuriye inzego z'umutekano ku rwego rw'Intara bakoreye uruzinduko rw'akazi mu Karere ka Ngororero.  Bafatanije na komite Nyobozi y'Akarere n'inzego z'umutekano, abayobozi b'imirenge utugari n'imidugudu, abikorera ku giti cyabo, CNJ na CNF mu bukangurambaga bwo kurwanya no kwirinda icyorezo cya Coronavirus.
- Ubuyobozi bw' umurenge wa Bwira, Dasso, Akagari ka Kabarondo, inkeragutabara abajyanama b'ubuzima babukoreye mw'soko rya Kayebe. Habayeho igikorwa cyo gukangurira abagana isoko kurushaho kwirinda Coronavirus, abinjiye mu isoko babanzaga gukaraba, kandi intera iri hejuru ya imwe yubahirijwe hagati y' umuntu nundi. Hifashishijwe indangururamajwi, abaje mu isoko bibutswaga ko umaze guhaha agomba guhita ataha.
- Mu murenge wa sovu hagenzuwe ishyirwa mu bikorwa ry'amabwiriza yo gukumira covid19 muri centre ya Birembo. Ubutumwa bwatanzwe n'ubwo kuguma mu rugo no guhana intera ya m1 hagati y'umuntu n'undi.

GUMA MU RUGO URINDE UBUZIMA BWAWE N'UBW'ABANDI