Uyu munsi tarik yai 19/03/2020  kuva saa 07h30 kugeza 10h00 mu cyumba cy'inama cy'akarere ka Ngororero hateraniye inama ya Taskforce ya COVID-19 Ku rwego rw'Akarere.

Inama yayobowe  Bwana NDAYAMBAJE Godefroid umuyobozi w'Akarere ka Ngororero ari kumwe na Bwana UWIHOREYE Patrick VM FED, Madame MUKUNDUHIRWE Benjamine VM ASOC, Bwana ABIYINGOMA Gerard umunyamabanga  nshingwabikorwa w'Akarere Lt Col J NDENGEYINKA CO 33 Inf Bn, SP Alphonse MAYINGA DPC Ngororero DPU, NISS, RIB, DASSO, DGs b'ibitaro by'Akarere bya Muhororo na Kabaya, abakozi bo mw'ishami ry'ubuzima n'abandi bagize COVID-19 Taskforce ku rwego rw'Akarere.

Hagaragajwe ibyiciro (Cells) bigize COVID-19 Taskforce ku rwego rw'Akarere, abagize ibyo byiciro, inshingano n'imikorere bya buri cyiciro.

Nyuma yo kungurana ibitekerezo muri rusange harebwa uko buri cyiciro cyarangiza neza inshingano zacyo, habayeho inama ya buri cyiciro hashyirwaho ingengabihe y'uko bazajya bakorana.

Hatanzwe ubutumwa bwo gukomeza gushishikariza abaturage kwirinda ikwirakwira rya Coronavirus bubahiriza amabwiriza atangwa n'inzego z'ubuzima harimo kunoza isuku,
kwirinda gusuhuzanya bahana ibiganza,
kwirinda ibikorwa byose bihuriza abantu benshi hamwe,
kwirinda ingendo zitari ngombwa,
kwirinda ibihuha
n'izindi ngamba zose zitangwa n'inzego zibifitiye ububasha.

Hafashwe ingamba zo gukomeza kugeza ku baturage amakuru kuri Coronavirus  uburyo bwo kuyirinda no kuyikumira hifashishijwe ubukangurambaga ku buryo bwose.