Umuyobozi w'Akarere Bwana NKUSI Christophe ari kumwe n'intumwa z'Ishami ry'Umuryango w'Abibumbye ryita ku Biribwa ku Isi   PAM ziyobowe na Madamu Solange Munyampeta ushinzwe Ibikorwa byayo mu Ntara y'Iburengerazuba yatangije amahugurwa y'iminsi 2 yerekeye gahunda y'Akarere ka Ngororero yo kurandura imirire mibi (Distrct Plan to Eliminate Malnutrition.) 
Kuri uyu munsi wa mbere w'aya mahugurwa hatanzwe ibiganiro bikurikira:
- Isesengura ry'Umutekano w'Ibiribwa n'Ubugenzuzi bw'Ubukene.
(Comprehensive Food security and Vulnerability Analysis)
Nk'uko byagaragaye mu bushakashatsi bwakozwe n'Ishami ry'Umuryango w'Abibumbye ryita ku Biribwa ku Isi PAM, mu ngamba zo kwihaza mu biribwa, Akarere ka Ngororero kavuye kuri 21% by'ingo  zishobora kwihaza mu biribwa mu waka wa 2023 ubu kageze kuri 71%.
-Ikiganiro ku isano iri hagati y'Ubukene, kutihaza mu biribwa n'igwingira mu Rwanda. (Intersection of Poverty,  Food Insecurity and Stunting in Rwanda) 
- Ibyagezweho n’ibibazo by’umushinga w’ubufatanye mu by’imirire. 
(Joint Nutrition project’s achievements and challenges)
-Ikiganiro ku marerero (ECDs) cyatanzwe n'intumwa ya Imbuto Foundation. Aha yagarutse kuri serivisi 6 zitangirwa mu marerero  harimo: 
-Gukangura ubwonko bw'umwana
-Kurinda umwana no kumurengera
- Isuku n'isukura
- Imirire
- Ubuzima

Intumwa za PAM zashimiye Akarere ka Ngororero intambwe imaze guterwa mu kurwanya imirire mibi nubwo inzira ikiri ndende

Inama yitabiriwe n'Umuyobozi w'Akarere wungirije ushinzwe imibereho myiza y'abaturage,  abayobozi b'Inzego z'Umutekano zikorera mu Karere,  Abanyamabanga Nshingwabikorwa b'Imirenge,  abayobozi b'ibitaro by'akarere abayobozi b'amashami n'abayobozi b'ibigo nderabuzima