Ku bufatanye bw’Akarere, Minisiteri y'Ubutegetsi bw'Igihgugu na LODA, abakinnyi b'URUNANA DC bakoze ubukangurambaga bugamije kurwanya imirire mibi n’igwingira,  kuringaniza urubyaro, kwivana mu bukene no kwimakaza isuku n’isukura, bwabereye mu Murenge wa Ndaro.

Iki gikorwa cyari kigamije gushishikariza abaturage guhindura imyitwarire mu bijyanye n’imirire iboneye, kwita ku isuku yo mu ngo n’iy’ibidukikije, kubyara abo bashoboye kurera, no kwivana mu bukene hagamijwe guteza imbere ubuzima bwiza, by’umwihariko ku bana n’abagore batwite n’abonsa.

Ibyaranze uyu munsi

Hatazwe Ibiganiro bikangurira abaturage kurwanya igwingira n'imirire mibi  binyuze muri gahunda zikurikira:

- Gukoresha neza inkunga  zitangwa na VUP zigamije gukura abaturage mu bukene no kurwanya igwingira n'imirire mibi zigenerwa abagore batwite n'abonsa abana bari munsi y'imyaka2.

- Kwipimisha inda ku bagore batwite inshuro 8 nkuko biteganywa.

- Kwitabira gahunda zo kuboneza urubyaro

- Kugira  umuco w'isuku n'isukura nk'isoko  y'ubuzima.

- Kwirinda amakimbirane  ayo ari yo yose.

- Ikinamico y'URUNANA.

Ubukangurambaga bwitabiriwe n’abaturage b’Umurenge wa Ndaro, abayobozi b’inzego z’ibanze, ndetse n’abafatanyabikorwa mu iterambere. Umuyobozi w’Akarere, Bwana Nkusi Christophe, yashimiye URUNANA DC n’abafatanyabikorwa ku ruhare rwabo mu guteza imbere imibereho myiza y’abaturage, asaba abaturage gushyira mu bikorwa inama bahawe.

Iki gikorwa cyasoje hashimangirwa ko kurwanya imirire mibi n’igwingira bisaba uruhare rwa buri wese, cyane cyane binyuze mu mirire yuzuye, isuku n’isukura bya buri munsi, kuringaniza urubyaro no kwivana mu bukene.

Umuyobozi w'Akarere yashoje  iki gikorwa ashimira abitabiriye iyi gahunga abasaba kuzirikana inyigisho bakuye mu biganiro bahawe. Mayor Nkusi yashimiye abakinnyi b'Urunana umusanzu batanze n'ubwitange bagira mu gufatanya mu kuzamura imibereho myiza y'umuturage,