Lt Col Migambi atangiza inama

Uyu munsi tariki ya 30/10/2019, itsinda riyobowe na V/President wa NIC (National Itorero Commission) Bwana Lt Col.Desiré MIGAMBI guhera 10h00 -15h00 basuye Akarere ka Ngororero.Bakiriwe n'umuyobozi  w'Akarere Bwana NDAYAMBAJE Godefroid ari kumwe na V/M Asoc Madame Mukunduhirwe Benjamin

Hakoze inama mpuzabikorwa y'Itorero ry'Igihugu yaguye irimo Komite nyobozi y'Akarere, inzego z'umutekano, abanyamabanga nshingwabikorwa b'imirenge, abakozi bashinzwe irangamimerere mu mirenge na ba perezida b'inama njyanama z'utugari, abakozi b'akarere mu ishami ry'imiyoborere myiza.

Intego y'inama yari kureba uko itorero ry'umudugudu rikora mu karere ka Ngororero.
Umuyobozi w'Akarere yagaragaje muri presentation ibyagezweho mw' itorero ry'Akarere harimo uko abaturage bashyizwe mu masibo n'ingamba kandi bikaba bikora hanyuzwamo gahunda za Leta zose.

Bwana Migambi yatanze ikiganiro kirimo ubujyanama bugamije kunoza imikorere y'itorero ry'umudugudu no gutangira gutegura urugerero ruciye ingando 2020.

                Itorero yr'umudugudu wa Kibingo ryasuwe rihabwa n'ibiganiro

Nyuma yo kungurana ibitekerezo no gusoza iyo nama abayobozi bo mu Karere hamwe n'itsinda rya NIC basuye itorero ry'umudugudu wa Kibingo mu kagari ka Rugogwe mu murenge waMuhororo.
Bashimye cyane ko abaturage batozwa neza kandi bakaba basobanukiwe na gahunda z'itorero ry'Igihugu ndetse bashima ibikorwa byinshi bibateza imbere bakorera mu ngamba zabo.