Muri Hotel UBUMWE iherereye mu Karere ka Nyarugenge, Umuyobozi w'Akarere wungirije ushinzwe imibereho myiza y'abaturage  MUKUNDUHIRWE BENJAMINE; ari kumwe n'umuyobozi w'irerero ryo mu rugo ryitwa  ITETERO rikorera mu Murenge wa Kabaya , Akagari ka Busunzu, bitabiriye inama yaranzwe no guhemba Uturere twitwaye neza. haba mu mikorere ya Home based ECD ndetse n'imidugudu y'icyitegererezo iri ku rwego rw'Igihugu yatumiwe na Imbuto Foundation.
Inama yahuje abafatanyabikorwa batandukanye barimo inzego za Leta (MINALOC, LODA, NCDA, MOYA), abahagarariye bamwe muri ba Vice Mayors bahagarariye Uturere 10 turimo National IDP Model Villages, ndetse na ba Vice Mayors 5 (umwe muri buri Intara) ahagaragara irerero ryabaye irya mbere mu Intara  mu mikorere myiza. 
Nyuma y'uko habaye isuzuma ry'imikorere y'amarerero yose mu gihugu;
1.Hashimwe  Uturere 5 dufite Imidugudu y'icyitegererezo yabaye iya mbere,
2. Hashimiwe kandi Uturere 5 twagize irerero ryabaye irya mbere mu Intara, harimo n'Akarere ka Ngororero aho Home Based ECD yitwa Itetero yahembwe 903.714Frws azafasha mu kwita ku nyubako ya ECD Communautaire iyi HBECD izashamikiraho.
Intumwa z'Akarere ka Ngororero zafashe ingamba zo gukomeza kwita ku marerero kugirango abashe gutanga service zose zihatangirwa kandi neza.
Hanasabwe ko kandi Uturere turushaho gukurikirana abantu bari muri IDP model villages kugirango barusheho kugira imibereho myiza.
Inama yayobowe na DG wa Imbuto Foundation afatanyije n'umushyitsi mukuru ariwe Umunyamabanga uhoraho wa MIGEPROF