Umunyamabanga Nshingwabikorwa w'Intara y'Iburengerazuba Madame Uwambajemariya Florence yabisabye ubwo  yagiriraga uruzinduko rw'Akazi mu Karere ka Ngororero kuri uyu wa gatatu tariki ya 27/8/2020. Yari ayoboye itsinda rya Task Force y'inyubako z'ibyumba by'amashuli yo ku rwego rw'Intara.

Nyuma y'uko Task Force yo ku rwego rw'Akarere igaragaje aho imirimo yo kubaka amashuli igeze, izi Task Force zombi zigabanijemo amatsinda 3  ajya mu mirenge kureba aho imirimo igeze:
1. Itsinda riyobowe na PES w'intara ryarimo umuyobozi w'Akarere ryakoreye mu mirenge ya Gatumba na Nyange
2. Iriyibowe n'umuyobozi wa police mu Karere ryasuye imirenge ya Ndaro na Bwira
3. Iriyobowe n'umuyobozi w'Akarere wungirije ushinzwe iterambere ry'Ubukungu  ryasuye imirenge ya Kabaya na Muhanda.
 Mu byasuzumwe harimo kureba uburyo ibikoresho bicunzwe, ubuziranenge bwabyo n'ubw'inyubako, imikorere ya Command Posts z'inyubako no  gukumira no kwirinda ikwirakwira rya COVID-19.
 Nyuma y'ubugenzuzi byagaragaye ko imirimo iri kwihuta; PES Uwambajemariya asaba ko yakwihutishwa kurushaho imbogamizi zagaragaye zikavaho.

Nk'uko byavuzwe n'umuyobozi w'ishami ry'uburezi Bwana Habarurema Denis; muri izo mbogamizi hari uko ibikoresho bitagiye bigerera ku ma sites ku gihe bitewe n'uko imodoka zagombaga kubitwara zitabonekeye igihe cyangwa se ko hari n'igihe ibyo bikoresho bitabonekeraga igihe. 

Nyuma yo gusura ahantu hatandukanye, amatsinda yagiye inama kugirango imirimo irusheho kwihuta.
Mu Karere ka Ngororero harim kubakwa ibyumba 566 n'ubwiherero 747.