Kuva kuwa 04 kugeza 05/03/2020 intumwa ya FFRP (Ihuriro ry'abanyarwandakazi bari mu nteko ishinga amategeko), Hon. Uwumuremyi Marie Claire yagize uruzinduko  rugamije kwitegura umunsi mpuzamahanga w'umugore wo kuwa 08 werurwe 2020.
Uyu mushyitsi  yasuye  umurenge wa Kavumu aherekejwe n'umuyobozi w'Akarere wungirije ushinzwe imibereho myiza y'abaturage Madame mukunduhirwe Benjamine, n'abakozi b'Akarere (Gender officer na ECD focal point).

Uruzinduko rwaranzwe no gusura Home based ECD yo mu mudugudu wa Kabere, Akagari ka Nyamugeyo,  gupima abana bari munsi yimyaka 5 hakoreshejwe umusambi bita Longth mate , kurebera hamwe imikorere ya home based ECD n'imbogamizi zirimo, abavuga rikumvikana bari mu nzego zitandukanye bafasha mu kurwanya imirire mibi mu umuryango bagiranye nawe ikiganiro ku biro by'umurenge. Yasanze imikorere ya Home Based ECD idakora neza ajya inama ko byanozwa nko kugaburira abana indyo yuzuye.

Hasuwe G Scolaire Gitwa ifite uburezi bw'ibanze bw'imyaka 9, abana baganirizwa ku kurwanya ihohoterwa ribakorerwa no kwirinda inda z'imburagihe . Hasuwe kandi icyumba cy'umukobwa kiri kuri icyo kigo.

 Kuwa 04/03/2020 uruzinduko  rwakomereje mu murenge wa Gatumba.
Hasuwe Ecole Secondaire Muhororo aho abanyeshuri n'abarezi yabaganirijwe ku ihohoterwa, uburyo bwo kurirwanya ,ingaruka zaryo, n'uburyo bwo kwirinda inda z'imburagihe.
Abanyeshuri bishimiye ibiganiro bafata ingamba zo gukumira ihohoterwa no kwirinda inda z'imburagihe, babinyujije mu ma clubs, ibiganiro byamagana ihohoterwa, kurangwa n'indangacaciro no gutanga amakuru ku gihe ahagaragaye ihohoterwa hose.