Ku nsanganyamatsiko igira iti Imiyoborere myiza: umuryango utekanye " ukwezi kwahariwe imiyoborere myiza kwatangrijwe mu murenge wa MATYAZO akagari ka Rwamiko ku rwego rw'Akarere. Igikorwa cyayobowe n'Umuyobozi w'akarere wungirije ushinzwe iterambere ry'ubukungu Bwana Uwihoreye Patrick ari kumwe n'umukozi w'Akarere ushinzwe imiyoborere no kwegereza abaturage ubuyobozi Musabeyezu Charlotte, ushinzwe irangamimerere mu murenge wa Matyazo Kariba Antoine.

Umukozi wa BDE atanga ikiganiro                                  Umugenzuzi w'umurimo mu kiganiro

Muri uyu muhango habaye umwanya w'ibiganiro byatanzwe n'umugenzuzi w'umurimo Dusabimana Evariste n'intumwa ya BDF Urinzwenimana Anastase. Uyu yasobanuriye abaturage serivisi zinyuranye zitangwa na BDF zirimo ingwate ku bafite imishinga by'umwihariko abagore n'urubyiruko bahabwa iya 75%. Umugenzuzi w'umurimo we yatanze ikiganiro ku mirimo mibi ikoreshwa abana ikababuza kujya mw'ishuli. Yabwiye abaturage ko gukoresha abana imirimo ibujijwe bihanwa n'amategeko.

Umushyitsi mukuru VM FED Uwihoreye Patrick yatanze ikiganiro ku miyoborere ijyanye n'igihe tugezemo. Yavuze ko imiyoborere myiza irangwa n' umuturage ubayeho neza, akitabira gahunda Leta imushishikariza kandi ari nawe mugenerwabikorwa wazo.
Abaturage bahawe umwanya wo kungurana ibitekerezo n'abayobozi. Habajijwe ibibazo bijyanye no kubona inguzanyo muri BDF, ibyiciro by'ubudehe n'irangamimerere. Byose byahawe umurongo

VM FED yaganirije abaturage ku miyoborere myiza