Kuri uyu wa 19/11/2019 inteko z'abaturage zabaye mu tugari twose tugize Akarere ka Ngororero. Mu mirenge ya Hindiro, Bwira na Gatumba habaye umwihariko w'uko abaturage bahawe igikombe cy'uko babaye indashyikirwa muri gahunda y’ibikorwa by'ubumwe n'ubwiyunge. Umuyobozi w'akarere wungirije ushinzwe iterambere ry'ubukungu Bwana Uwihoreye Patrick yifatanije n'abaturage b'umurenge wa Hindiro wahize iyindi.

VM Uwihoreye yasabye abaturage kwita kw'isuku

Hatanzwe inyigisho zerekeye ubumwe n'ubwiyunge, imibereho myiza izira ihohoterwa, n'amakimbirane. Vice mayor Uwihoreye Patrick yatinze ku nzitizi zibangamira imibereho myiza y'abaturage abasaba kuzirandurana n'imizi yazo.

Abaturage beretswe uburyo isuku y'ibiganza ikorwa

Yagarutse kw'isuku n'isukura bigomba kuranga buri rugo. Yabasabye abaturage gukomera ku mutekano no kwitabira umurimo bakiteza imbere. Vm FED yari kumwe n'umutahira w'intore madame Mukantabana Odette, umukozi wa AJPRODHO Jijukirwa mu mushinga Duhuze Project wunganira muri gahunda y’ibikorwa by'ubumwe n'ubwiyunge madame Murorunkwere Epiphanie.

Bakiriwe n'umunyamabanga nshingwabikorwa w'umurenge wa Hindiro Bwana Tuyizere Anastase, abagize inama njyanama y'umurenge, abakozi b'umurenge, utugari n'imidugudu n'imbaga y'abaturage bari baje kwakira igikombe.

mu murenge wa Bwira ibikorwa nk'ibi byayobowe n'umuyobozi w'akarere wungirije ushinzwe imibereho myiza y'abaturage Madame Mukunduhirwe Benjamine naho mu murenge wa Gatumba byayobowe n'umuyobozi w'ishami ry'imibereho myiza Bwana Rutagisha Aimable.