Abakozi bagomba gukaza ingamba zo kwirinda Covid-19

Umuyobozi w’Akarere  ari kumwe n’Umunyamabanga nshingwabikorwa w’Akarere   baganirije abakozi ku gukaza ingamba hirindwa icyorezo cya Koronavirusi  birinda kandi barinda n’abandi. Abakozi basabwe gukangurira abaturage kubahiriza amabwiriza agenda ashyirwaho mu rwego rwo kwirinda iki icyorezo

Caritas Gimbuka yashoje ibiokorwa byayo
Umuyobozi w’Akarere  ari kumwe n’Umuyobozi w’Akarere wungirije ushinzwe  iterambere ry’ubukungu bakiriye  Itsinda  ry’Umushinga USAID/ Caritas Gimbuka ku rwego rw’Igihugu  ryari riyobowe na Bwana  Ntimugura Jean Yves. Baje kugaragariza Akarere ibikorwa byakozwe n’uwo mushinga mu byerekeranye no kurwanya imirire mibi n’igwingira mu Karere Ka Ngororero mu myaka 5  ishize.  Bagaragarije kandi Akarere ko Umushinga urangiye.

Ikiganiro kuri radio Isangano

 Ku bufatanye bw’Akarere n’Umufatanyabikorwa USAID / Ingobyi Activity ,Umuyobozi w’Akarere ari kumwe n’Umuyobozi wa RSSB ishami rya Ngororero batanze ikiganiro kuri Radio ISANGANO. Ikiganiro kibanze ku gukangurira  abagabo kwitabira gutanga ubwisungane mu Kwivuza

Ubuzima bw'umubyeyi utwite, uwabyaye n'uruhinja bugomba kwitabwaho.

Umuyobozi w’Ishami ry’Ubuzima  yasoje  amahugurwa yari amaze ibyumweru 6 yerekeranye no kwita k'ubuzima bw’umugore utwite, umubyeyi wabyaye  ndetse n’uruhinja
Hari kandi n’Umuyobozi w’Abaforomo n’Ababyaza mu bitaro bya Muhororo.
Abitabiriye amahugurwa bagaragaje ko ubumenyi babonye buzababafasha mu kurushaho kugabanya imfu z’abana n’ababyeyi bapfa babyara
Aya mahugurwa yatewe  inkunga n’Umufatanyabikorwa USAID/Ingobyi activity

HINGA WEZE ikomeje kurwanya imirire mibi
Hamwe n’Umufatanyabikorwa HINGAWEZE  habaye  amahugurwa  ya Komite nkomatanyanzego yo kurwanya imirire mibi mu murenge wa Bwira amahugurwa yatanzwe n’Umukozi ushinzwe Isuku n’Isukura  mu Karere ari kumwe n’abakozi b’Umushinga HINGAWEZE
Abahuguwe basabwe kuzahugura abagize Komite nkomatanyanzego yo kurwanya imirire mibi mu tugari nabo bakazahugura abo mu midugudu bityo bakazabasha gusesengura ibibazo biterwa n'imirire mibi no kubishakamo ibisubizo, ibitabonewe ibisubizo bigakorerwa ubuvugizi ku urwego rwisumbuyeho.